തിരുവനന്തപുരം: അറബിക്കടലില് ലക്ഷദ്വീപിനു സമീപം രൂപം കൊണ്ട ന്യൂനമര്ദം ശക്തി പ്രാപിച്ചതിനെത്തുടര്ന്ന് കേരള, കര്ണാടക തീരങ്ങളില് മത്സ്യത്തൊഴിലാളികള്ക്ക് ജാഗ്രതാ നിര്ദേശം.
കേരള, കര്ണാടക, ലക്ഷദ്വീപ് തീരങ്ങളില് മണിക്കൂറില് 40 മുതല് 50 വരെ കിലോമീറ്റര് വേഗതയില് ശക്തമായ കാറ്റു വീശാന് സാധ്യതയുള്ളതായാണ് കാലാവസ്ഥ നിരീക്ഷണ കേന്ദ്രം നല്കുന്ന മുന്നറിയിപ്പ്. മത്സ്യത്തൊഴിലാളികള് കടലില് പോകരുതെന്നാണ് മുന്നറിയിപ്പ്.
ന്യൂനമര്ദം രൂപപ്പെടുന്നതിനാല് സംസ്ഥാനത്ത് ഇടിമിന്നലോടുകൂടിയ ശക്തമായ മഴയുണ്ടാകുമെന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കുന്നു. കന്യാകുമാരി മുതലുള്ള തെക്കന് തീരങ്ങളില് കാറ്റിന്റെ വേഗത മണിക്കൂറില് 60 കിലോമീറ്റര് വരെയാകാനും സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി.
അതേസമയം, കേരളത്തില് തുലാവര്ഷം വീണ്ടും സജീവമാകുമെന്ന് കാലാവസ്ഥാ നിരീക്ഷണ കേന്ദ്രം മുന്പേ മുന്നറിയിപ്പ് നല്കിയിരുന്നു. തുലാവര്ഷം ശക്തമാവുമെന്ന മുന്നറിയിപ്പിനെത്തുടര്ന്ന് തിരുവനന്തപുരം, കൊല്ലം, ഇടുക്കി, എറണാകുളം, വയനാട് ജില്ലകളില് യെല്ലോ അലേര്ട്ട് പ്രഖ്യാപിച്ചിരിയ്ക്കുകയാണ്.