ജാതി സർട്ടിഫിക്കറ്റില്ല; മൂന്നാറിലെ തോട്ടം തൊഴിലാളികളുടെ മക്കളുടെ പഠനം പാതിവഴിയിൽ നിലയ്ക്കുന്നു

മൂന്നാർ: ജാതി സർട്ടിഫിക്കറ്റ് ലഭിക്കാത്തത് മൂലം മൂന്നാറിലെ തോട്ടം തൊഴിലാളികളുടെ മക്കളുടെ പഠനം പാതിവഴിയിൽ നിലയ്ക്കുന്നു. ചൊക്കനാട് പുതുക്കാട് ഈസ്റ്റ് ഡിവിഷനിൽ യുത്രയെന്ന വിദ്യാർത്ഥിനി ഉന്നത പഠനത്തിനായി ജാതി സർട്ടിഫിക്കറ്റിന് അപേക്ഷ നൽകി കാത്തിരിക്കാൻ തുടങ്ങിയിട്ട് ഒരു മാസം പിന്നിടുന്നു. ജാതി സർട്ടിഫിക്കറ്റ് ലഭിക്കണമെങ്കിൽ അമ്പതുവർഷം മുൻപ് താമസിച്ചിരുന്നതായി സാക്ഷ്യപത്രം കൊണ്ടുവരണമെന്നാണ് റവന്യു അധികൃതരുടെ വിചിത്രവാദം ഉന്നയിക്കുന്നതായി യുത്രയുടെ മതാപിതാക്കൾ. 

നിരവധി പേർക്ക് പരാതി നൽകിയെങ്കിലും ഫലമുണ്ടായില്ലെന്നും രക്ഷിതാക്കൾ. തേയിലത്തോട്ടങ്ങളിലെ ജോലിക്കായി തമിഴ്നാട്ടിൽ നിന്നും കുടിയേറി താമസം ആരംഭിച്ചവരാണ് മൂന്നാറിലെ തോട്ടങ്ങളിൽ താമസിക്കുന്ന തൊഴിലാളികൾ. ഏറെയും. തുച്ഛമായ വരുമാനത്തിൽ മൂന്നും നാലും തലമുറകളായി താമസിക്കുന്ന ഇക്കൂട്ടർ മക്കളെ  പഠിപ്പിക്കുന്നതാകട്ടെ ജാതിയുടെ പേരിൽ സർക്കാരിൽ നിന്നും ലഭിക്കുന്ന ആനുകൂല്യങ്ങൾ ഉപയോഗിച്ചാണ് . ഈ  ആനുകൂല്യങ്ങൾ ഇപ്പോൾ ജാതി സർട്ടിഫി സർട്ടിഫിക്കറ്റ് ലഭിക്കാതെ വന്നതോടെ അനിശ്ചിതത്വത്തിൽ ആയിരിക്കുകയാണ്.

മാത്രമല്ല തൊഴിലാളികളുടെ മക്കൾക്ക് ഉന്നത പഠനത്തിന് പോകാൻ കഴിയുന്നുമില്ല. ചൊക്കനാട് പുതുക്കാട് ഈസ്റ്റ് ഡിവിഷനിൽ ഗിരി - മുത്തുസെൽവി ദമ്പതികളുടെ മൂത്തമകൾ യുത്രക്ക് എം കോമിന് ചേരണമെന്നാണ് ആഗ്രഹം. എന്നാൽ ജാതി സർട്ടിഫിക്കറ്റ് ലഭിക്കാത്തതുമൂലം  കഴിയുന്നില്ല.. തുടർപഠനത്തിന് ജാതി തെളിയിക്കുന്ന സർട്ടിഫിക്കറ്റ് വേണമെന്ന് യുത്ര പറയുന്നു. ഭർത്താവിന് മാത്രമാണ് എസ്റ്റേറ്റിൽ ജോലി ഉള്ളത്. 2020 വരെ ജാതി തെളിയിക്കുന്ന സർട്ടിഫിക്കറ്റ് മകൾക്ക് ലഭിച്ചു. ഇപ്പോൾ ഭർത്താവിന്റെ ജാതി തെളിയിക്കുന്ന സർട്ടിഫിക്കറ്റ് വേണമെന്ന വിജിത്രവാദമാണ് ഉദ്യോഗസ്ഥർ ഉന്നയിക്കുന്നതെന്ന് യുത്രയുടെ മാതാവ് മുത്തുസെൽവി പറയുന്നു.

പത്താംക്ലാസ് വരെ തമിഴ്നാട്ടിൽ പഠിച്ചിരുന്നരുന്ന യുത്ര ബി കോം പൂർത്തിയാക്കിയത് മൂന്നാർ ഗവ.കോളേജിലാണ് . മാത്രമല്ല കുടുംബത്തിന്റ ആധാർ അടക്കമുള്ള മുഴുവൻ രേഖകളും കേരളത്തിലാണ് ഉള്ളത്. എന്നിട്ടും ഇപ്പോൾ ജാതി തെളിയിക്കുന്ന സർട്ടിഫിക്കറ്റ് ലഭിക്കാത്തത് എന്ത് കാരണം കൊണ്ടാണ് എന്നാണ് മതാപിതാക്കൾ ചോദിക്കുന്നത്.