കോഴിക്കോട്: 'ഓഖി' ദുരന്തത്തെ തുടര്‍ന്ന് കാണാതായവരില്‍ 8 പേരുടെ മൃതദേഹങ്ങള്‍ കൂടി കോഴിക്കോട് സമുദ്രതീരത്തുനിന്നും കണ്ടെത്തി. മൃതദേഹങ്ങൾ തിരിച്ചറിയാൻ കഴിയാത്ത അവസഥയിലാണ്. ഇതോടെ സംസ്ഥാനത്ത് 'ഓഖി' ദുരന്തത്തില്‍ മരിച്ചവരുടെ എണ്ണം 64 ആയി.
കാണാതായവർക്കു വേണ്ടി നാവികസേനയുടെയും കോസ്റ്റ് ഗാർഡ്സിന്‍റെയും നേതൃത്വത്തിൽ തെരച്ചിൽ തുടരുകയാണ്. സമുദ്രഗതിയനുസരിച്ച് കോഴിക്കോട് സമുദ്രതീരങ്ങളില്‍ മൃതദേഹം കണ്ടെത്താന്‍ സാധ്യത കൂടുതല്‍ ഉള്ളതിനാല്‍ സേന മുഖ്യമായും ബേപ്പൂര്‍ കേന്ദ്രീകരിച്ചാണ് തെരച്ചില്‍ നടത്തുന്നത്. .
