CPM workers: കണ്ണൂർ മട്ടന്നൂരിൽ മൂന്ന് സിപിഎം പ്രവര്‍ത്തകര്‍ക്ക് വെട്ടേറ്റു; കേസെടുത്ത് പോലീസ്

Kannur: സുനോബ്, റിജിൻ, ലതീഷ് എന്നിവർക്കാണ് വെട്ടേറ്റത്. മട്ടന്നൂർ അയ്യല്ലൂരിൽ വച്ചാണ് ഇവർക്ക് വെട്ടേറ്റത്.

കണ്ണൂർ: മൂന്ന് സിപിഎം പ്രവർത്തകർക്ക് വെട്ടേറ്റു. കണ്ണൂർ മട്ടന്നൂരിൽ ഞായറാഴ്ച രാത്രി 10 മണിയോടെയായിരുന്നു സംഭവം. സുനോബ്, റിജിൻ, ലതീഷ് എന്നിവർക്കാണ് വെട്ടേറ്റത്. മട്ടന്നൂർ അയ്യല്ലൂരിൽ വച്ചാണ് ഇവർക്ക് വെട്ടേറ്റത്. ബസ് സ്റ്റോപ്പിൽ ഇരിക്കവേയാണ് ഇവർക്ക് വെട്ടേറ്റത്. പ്രവർത്തകർക്ക് നേരെയുണ്ടായ ആക്രമണത്തിന് പിന്നിൽ ആർഎസ്എസ് ആണെന്ന് സിപിഎം ആരോപിച്ചു.

പരിക്കേറ്റ മൂന്ന് പേരെയും കണ്ണൂരിലെ സഹകരണ ആശുപത്രിയിൽ ചികിത്സയിൽ പ്രവേശിപ്പിച്ചു. സിപിഎം ജില്ലാ സെക്രട്ടറി ടിവി രാജേഷും നേതാക്കളും ആശുപത്രിയിൽ എത്തി പരിക്കേറ്റവരെ സന്ദർശിച്ചു. പ്രദേശത്ത് രാഷ്ട്രീയപരമായി തർക്കങ്ങൾ നിലനിന്നിരുന്നുവെന്നാണ് വിവരം. സംഭവത്തിൽ മട്ടന്നൂർ പോലീസ് കേസെടുത്ത് അന്വേഷണം ആരംഭിച്ചു.