Fuel Price: ഇന്ധന വില തുടർച്ചയായി രണ്ടാം ദിവസവും മാറ്റമില്ലാതെ തുടരുന്നു; പെട്രോൾ വില തിരുവനന്തപുരത്ത് 92.41 രൂപ, കോഴിക്കോട് 91.25 രൂപ

Thiruvananthapuram: പെട്രോൾ ഡീസൽ വിലയിൽ തുടർച്ചയായ രണ്ടാം ദിവസവും മാറ്റമില്ല. 26 ദിവസങ്ങളായി മാറ്റമില്ലാതെയിരുന്ന ഇന്ധന വിലയിൽ  (Fuel Price)  മാർച്ച് 24ന് നേരിയ കുറവ് രേഖപ്പെടുത്തിയിരുന്നു. തുടർച്ചയായി രണ്ട് ദിവസം ഇടിവ് രേഖപ്പെടുത്തിയെങ്കിലും ഇന്നലെ മുതൽ വില മാറ്റമില്ലാതെ തുടരുകയാണ്. മാർച്ച് 24ന് പെട്രോൾ വിലയിൽ 18 പൈസയും ഡീസൽ വിലയിൽ 17 പൈസയുമാണ് കുറവ് രേഖപ്പെടുത്തിയത്. അതിന് ശേഷം മാർച്ച് 25ന് പെട്രോൾ വിലയിൽ 21 പൈസയും ഡീസൽ വിലയിൽ 20 പൈസയുമാണ് കുറവ് രേഖപ്പെടുത്തിയിരുന്നു.

തിരുവനന്തപുരത്ത്  ഇന്നത്തെ പെട്രോൾ (Petrol) വില 92.41 രൂപയും, കോഴിക്കോട് 91.25 രൂപയുമാണ്. അതെ സമയം തിരുവനന്തപുരത്ത് ഡീസൽ വില 86.91 രൂപയാണ്. കോഴിക്കോട് ഡീസൽ വില 85.84 രൂപയിലാണ് നിൽക്കുന്നത്.   രാജ്യ തലസ്ഥാനത്ത് പെട്രോൾ വില 90.78 രൂപയും ഡീസൽ വില 81.10 രൂപയുമാണ്. മുംബൈയിൽ ഇന്ധന വില സർവ്വകാല റെക്കോർഡിൽ തന്നെ നിൽക്കുകയാണ്. മുംബൈയിൽ പെട്രോൾ വില 97.19 രൂപയിൽ തെങ്ങ് നിൽക്കുകയാണ്. ഡീസൽ വില 88.20 രൂപയാണ്. 

ALSO READ: Gold Rate Today: സ്വര്‍ണവിപണിയില്‍ ഉണര്‍വ്, ഇന്ന് വര്‍ദ്ധിച്ചത് ഗ്രാമിന് 10 രൂപ

വിവിധ സംസ്ഥാനങ്ങളിൽ അവിടങ്ങളിലെ നികുതി അനുസരിച്ച് കുറഞ്ഞ നിരക്കുകളിൽ വ്യത്യാസം രേഖപ്പെടുത്തും. 25 ദിവസങ്ങൾ ഒരു മാറ്റവുമില്ലാതെ തുടർന്ന ഇന്ധന നിരക്കുകളിലാണ് ബുധനാഴ്ചയോടെ  കുറവ് രേഖപ്പെടുത്തിയത്. ഏകദേശം ഒരു വർഷത്തിന് ശേഷമാണ് ഇന്ധന നിരക്കിൽ കുറവ് രേഖപ്പെടുത്തിയത്. ഇതിന് മുമ്പ് അവസാനമായി ഇന്ധന വിലയിൽ കുറവ് രേഖപ്പെടുത്തിയത് 2020 മാർച്ച് 16 നായിരുന്നു. കഴിഞ്ഞ ഒരു വർഷത്തിനിടയിൽ രാജ്യത്ത് (India) പെട്രോൾ വില 21.58 രൂപയും ഡീസൽ വില 19.18 രൂപയും വർധിച്ചിരുന്നു.  

ALSO READ: Bank Holidays Alert : ബാങ്ക് ഇടപാടുകൾ ഇന്നും നാളെയുമായി തന്നെ നടത്തുക, മാർച്ച് 27 മുതൽ ഒരാഴ്ചത്തേക്ക് ബാങ്കുകളുടെ പ്രവർത്തനം കാണില്ല

ഓയിൽ മാർക്കറ്റിംഗ് കമ്പനികൾ വിദേശ വിനിമയ നിരക്കിലെ മാറ്റങ്ങൾ കണക്കിലെടുത്താണ് ആഭ്യന്തര ഇന്ധന വിലയെ ആഗോള മാനദണ്ഡങ്ങളുമായി യോജിപ്പിക്കുന്നത്. എല്ലാ ദിവസവും രാവിലെ 6 മുതൽ ഇന്ധന വിലയിലുള്ള മാറ്റങ്ങൾ പ്രാബല്യത്തിൽ വരും. മൂല്യവർദ്ധിത നികുതി അല്ലെങ്കിൽ വാറ്റ് കാരണം വിവിധ സംസ്ഥാനങ്ങളിൽ ഇന്ധന നിരക്ക് (Fuel Price) വ്യത്യസമായി രേഖപെടുത്തുന്നു.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക.