UAPA അറസ്റ്റ്: യുവാക്കള്‍ക്ക് മാവോയിസ്റ്റ് ബന്ധമുണ്ടെന്ന് സിപിഎം

യുവാക്കളുടെ മാവോയിസ്റ്റ് ബന്ധം ശരിവച്ച് സിപിഎം. അലനും താഹയ്ക്കുമെതിരെ എതിരെ നടപടിയ്ക്ക് ധാരണയായതായി സൂചന.

Sheeba George | Updated: Nov 12, 2019, 11:13 AM IST
UAPA അറസ്റ്റ്: യുവാക്കള്‍ക്ക് മാവോയിസ്റ്റ് ബന്ധമുണ്ടെന്ന് സിപിഎം

കോഴിക്കോട്: യുവാക്കളുടെ മാവോയിസ്റ്റ് ബന്ധം ശരിവച്ച് സിപിഎം. അലനും താഹയ്ക്കുമെതിരെ എതിരെ നടപടിയ്ക്ക് ധാരണയായതായി സൂചന.

കോഴിക്കോട് നടന്ന ലോക്കല്‍ കമ്മിറ്റികളില്‍ യോഗത്തിലാണ് പാര്‍ട്ടി ഇക്കാര്യം റിപ്പോര്‍ട്ടു ചെയ്തത്. കൂടാതെ, 
വിദ്യാര്‍ഥികളുടെ രാഷ്ട്രീയ വ്യതിയാനം മനസിലാക്കാന്‍ കഴിയാതെ പോയത് പാര്‍ട്ടി മനസ്സിലാക്കണമെന്നും വിമര്‍ശനമുണ്ടായി.

മാവോയിസ്റ്റ് ബന്ധം ആരോപിക്കപ്പെട്ടതിനെത്തുടര്‍ന്ന് UAPA ചുമത്തിയത് വലിയ' ചര്‍ച്ച'യ്ക്കിടയാക്കിയിരുന്നു. ആ സാഹചര്യത്തിലാണ് ജില്ലയില്‍ അടിയന്തരമായി ലോക്കല്‍കമ്മിറ്റി യോഗം ചേര്‍ന്നത്‌. യോഗത്തില്‍ അറസ്റ്റിലായ രണ്ടുപേര്‍ക്കും മാവോവാദി ബന്ധമുണ്ടെന്ന് സ്ഥിരീകരിക്കുന്ന റിപ്പോര്‍ട്ടാണ് സിപിഎം നല്‍കിയത്. 

യുവാക്കളുടെ മാവോയിസ്റ്റ് ബന്ധം സിപിഎം ശരിവച്ച സാഹചര്യത്തില്‍ ഇരുവരെയും പാര്‍ട്ടി ഉടന്‍ തന്നെ പുറത്താക്കുമെന്നാണ് സൂചന. 

സം​ഭ​വ​ത്തെ കു​റി​ച്ച്‌ അ​ന്വേ​ഷി​ക്കാ​ന്‍ സി​പി​എം മൂ​ന്നം​ഗ ക​മ്മീ​ഷ​നെ നി​യോ​ഗി​ച്ചി​രു​ന്നു. ഈ ​അ​ന്വേ​ഷ​ണ റി​പ്പോ​ര്‍​ട്ടി​ന്‍റെ അ​ടി​സ്ഥാ​ന​ത്തി​ലാണ് പാര്‍ട്ടി ന​ട​പ​ടികളിലേയ്ക്കു കടന്നിരിക്കുന്നത്. പ​ന്നി​യ​ങ്ക​ര ലോ​ക്ക​ല്‍ ക​മ്മി​റ്റി​ക്ക് കീ​ഴി​ലാ​ണ് അ​ല​ന്‍ ഉ​ള്‍​പ്പെ​ട്ടി​രി​ക്കു​ന്ന​ത്. താ​ഹ ഉ​ള്‍​പ്പെ​ട്ട ലോ​ക്ക​ല്‍ ക​മ്മി​റ്റി​യു​ടെ ജ​ന​റ​ല്‍ ബോ​ഡി യോ​ഗം തീരുമാനിച്ചിട്ടില്ല. 

മൂ​ന്നം​ഗ ക​മ്മീ​ഷ​ന്‍ നടത്തിയ അന്വേഷണത്തില്‍ അ​റ​സ്റ്റി​ലാ​യ വി​ദ്യാ​ര്‍​ഥി​ക​ള്‍ തെ​റ്റു​കാ​രാ​ണെന്ന്‍ സി​പി​എം കണ്ടെത്തിരുന്നു. പോലീസ് അറസ്റ്റ് ചെയ്ത ര​ണ്ടു പാ​ര്‍​ട്ടി അം​ഗ​ങ്ങ​ള്‍​ക്കും മാ​വോ​യി​സ്റ്റു​ക​ളു​മാ​യി ന​ല്ല ബ​ന്ധ​മു​ണ്ടെ​ന്ന റി​പ്പോ​ര്‍​ട്ട് സി​പി​എം കോ​ഴി​ക്കോ​ട് ജി​ല്ലാ ക​മ്മി​റ്റി പാ​ര്‍​ട്ടി സം​സ്ഥാ​ന സെ​ക്ര​ട്ടേ​റി​യ​റ്റിനും റിപ്പോര്‍ട്ട് നല്‍കിയിട്ടുണ്ട്.

അതേസമയം, ഈ വിഷയത്തില്‍ തുടക്കം മുതല്‍ കര്‍ശന നിലപാടാണ് മുഖ്യമന്ത്രി പിണറായി വിജയന്‍ കൈക്കൊണ്ടിരിക്കുന്നത്. വി​ദ്യാ​ര്‍​ഥി​കളുടെമേല്‍ UAPA ചു​മ​ത്തിയത് ആദ്ദേഹം ന്യാ​യീ​ക​രിക്കുകയാണ് ഉണ്ടായത്. പാ​ര്‍​ട്ടി കോ​ഴി​ക്കോ​ട് ജി​ല്ലാ ക​മ്മി​റ്റി​യു​ടെ റി​പ്പോ​ര്‍​ട്ടും പോ​ലീ​സ് ന​ട​പ​ടി​യെ സാ​ധൂ​ക​രി​ക്കു​ന്ന​താ​ണെ​ന്നു മു​ഖ്യ​മ​ന്ത്രി വ്യക്തമാക്കിയിരുന്നു. 

കഴിഞ്ഞ 2നാണ് ക​ണ്ണൂ​ര്‍ പാ​ല​യാ​ട്ടെ സ​ര്‍​വ​ക​ലാ​ശാ​ലാ ക്യാമ്പസ് നി​യ​മ​വി​ദ്യാ​ര്‍​ഥി അ​ല​ന്‍ ഷു​ഹൈ​ബ് (20), ക​ണ്ണൂ​ര്‍ സ്കൂ​ള്‍ ഓ​ഫ് ജേ​ര്‍​ണ​ലി​സം വി​ദ്യാ​ര്‍​ഥി താ​ഹ ഫൈ​സ​ല്‍ (24) എ​ന്നി​വ​ര്‍ മാ​വോ​യി​സ്റ്റ് ബ​ന്ധം ആ​രോ​പി​ച്ച്‌ അ​റ​സ്റ്റി​ലാ​യ​ത്. 

കഴിഞ്ഞ ദിവസം ഇരുവര്‍ക്കും ജാമ്യം നിഷേധിച്ചിരുന്നു. കഴിഞ്ഞ 8ന് ഇവരുടെ ജാമ്യാപേക്ഷ പരിഗണിച്ച ഹൈക്കോടതി പോലീസിനോട് വിശദീകരണം ആവശ്യപ്പെട്ടിരിക്കുകയാണ്. 14ന് ഹൈക്കോടതി ജാമ്യാപേക്ഷ വീണ്ടും പരിഗണിക്കും. 

സാധാരണ കേസില്‍ 14 ദിവസത്തേക്ക് പ്രതികളെ റിമാന്‍ഡ് ചെയ്യുമ്പോള്‍ UAPA കേസില്‍ 30 ദിവസത്തേക്കാണ് റിമാന്‍ഡ് ചെയ്യുന്നത്. മറ്റു കേസുകളില്‍ 90 ദിവസത്തിനുള്ളില്‍ കുറ്റപത്രം സമര്‍പ്പിച്ചില്ലെങ്കില്‍ പ്രതിക്ക് ജാമ്യം ലഭിക്കുമെങ്കില്‍ യുഎപിഎ കേസുകളില്‍ 180 ദിവസം കാത്തിരുന്നാല്‍ മാത്രമേ പ്രതിക്ക് ജാമ്യം ലഭിക്കൂ.