Vizhinjam Seaport: വിഴിഞ്ഞം തുറമുഖം രാജ്യത്തിന് സമർപ്പിച്ച് മുഖ്യമന്ത്രി

Pinarayi Vijayan: കേരളത്തിന്റെ വികസനത്തിന്റെ പുതിയ ഏടാണ് വിഴിഞ്ഞമെന്ന് മുഖ്യമന്തി പറഞ്ഞു.

തിരുവനന്തപുരം: വിഴിഞ്ഞം അന്താരാഷ്ട്ര തുറമുഖം രാജ്യത്തിന്  സമർപ്പിച്ച് മുഖ്യമന്ത്രി പിണറായി വിജയൻ. കേരളത്തിന്റെ വികസനത്തിന്റെ പുതിയ ഏടാണ് വിഴിഞ്ഞമെന്ന് മുഖ്യമന്തി പറഞ്ഞു. ആദ്യ ചരക്ക് കപ്പലിൻ്റെ ട്രയൽ റണ്ണും ഔദ്യോഗിക സ്വീകരണവും നിർവഹിച്ച ശേഷം സംസാരിക്കവെയായിരുന്നു മുഖ്യമന്ത്രി ഇപ്രകാരം പറഞ്ഞത്. 

Vizhinjam port's 2nd to 4th phase will be completed by 2028, 17 years in advance: Pinarayi Vijayan CM Kerala

Read @ANI Story | https://t.co/XKBPRZejKR#VizhinjamSeaPort #pinarayivijayan #Kerala pic.twitter.com/Lf9lCYfjao

— ANI Digital (@ani_digital) July 12, 2024

Thiruvananthapuram, Kerala: On first mothership "San Fernando" reached Vizhinjam International Seaport, Kerala CM Pinarayi Vijayan says, "A long-standing dream has come true. Thanks to all those who worked for this. The commissioning of Vizhinjam Port has started a new chapter in… pic.twitter.com/XMIEOSbeNP

— ANI (@ANI) July 12, 2024

ചടങ്ങിൽ കേന്ദ്ര ഷിപ്പിംഗ് മന്ത്രി സർബാനന്ദ സോനോവാൾ ചടങ്ങിൽ മുഖ്യാതിഥിയായിരുന്നു. ഒപ്പം മന്ത്രിമാരായ വിഎൻ വാസവൻ, സജി ചെറിയാൻ, ബാലഗോപാൽ എന്നിവരും മേയർ ആര്യ രാജേന്ദ്രനും സാമൂഹിക സാംസ്കാരിക രംഗത്തുള്ള ഒട്ടേറെ ആളുകളും സദസിൽ ഈ അഭിമാന മുഹൂർത്തത്തിന് സാക്ഷ്യം വഹിച്ചു. 

വിഴിഞ്ഞം എന്ന സ്വപ്ന പദ്ധതി കേരളം നേടിയെടുത്തത്തിൻ്റെ കനത്ത അഭിമാനത്തോടെയാണ് സദസിന് മുന്നിൽ മുഖ്യൻ എത്തിയത്. വിളക്കുകൊളുത്തി ഉദ്ഘാടനം ചെയ്തതിന് പിന്നാലെ പദ്ധതിയുടെ നേട്ടങ്ങൾ അദ്ദേഹം എണ്ണി എണ്ണി പറയുകയും ഉണ്ടായി.  ഒപ്പം പ്രതിപക്ഷത്തിനുള്ള മറുപടിയും മുഖ്യമന്ത്രി തന്റെ പ്രസംഗത്തിൽ ഉൾപ്പെടുത്തിയിരുന്നു. 

ദീർഘകാലത്തെ സ്വപ്നം യാഥാര്‍ത്ഥ്യമായി എന്ന് പറഞ്ഞാണ് മുഖ്യമന്ത്രി പ്രസംഗിച്ചു തുടങ്ങിയത്. തുറമുഖങ്ങൾ സാമ്പത്തിക വളർച്ചയുടെ ചാലക ശക്തിയാണെന്നും വിഴിഞ്ഞത്തിലൂടെ ഇന്ത്യ ലോക ഭൂപടത്തിൽ സ്ഥാനം പിടിച്ചുവെന്നും മുഖ്യമന്ത്രി പറഞ്ഞു. രാജ്യത്തിനും അയൽ രാജ്യങ്ങൾക്കും മാതൃകയാക്കാൻ സാധിക്കുന്ന പദ്ധതിയാണിതെന്നും അദ്ദേഹം പങ്കുവെച്ചു. ഒപ്പം ഇടത് മന്ത്രിസഭയിലെ മന്ത്രിമാർക്കും അദ്ദേഹം നന്ദി പറഞ്ഞു.  വികസനത്തിലേക്ക് വഴി തുറന്ന് വിഴിഞ്ഞം തുറമുഖത്തിൻ്റെ ട്രയൽ റണ്ണും ഔദ്യോഗിക സ്വീകരണവും നിർവഹിച്ച് സംസാരിക്കുകയായിരുന്നു മുഖ്യമന്ത്രി.