Wild Elephant Attack : വയനാട്ടിൽ അമ്പലത്തിലേക്ക് പോയ യുവാവിന് നേരെ കാട്ടാനയുടെ ആക്രമണം; ഗുരുതര പരിക്ക്

Wayanad Wild Elephant Attack : ആനയെ കണ്ട് ഓടിയ യുവാവിനെ പിന്തുടർന്നാണ് കാട്ടാന ആക്രമിച്ചത്

വയനാട് : ബത്തേരിയിൽ കാട്ടാനയുടെ ആക്രമണത്തിൽ യുവാവിന് ഗുരുതര പരിക്ക്. ബത്തേരി വള്ളുവാടി തോരമംഗലം സ്വദേശി സജിലിന് നേരെയാണ് കാട്ടാനയുടെ ആക്രമണം ഉണ്ടായത്. ഇന്ന് നവംബർ 20 രാവിലെ ആറ് മണിയോടെ സംഭവം നടക്കുന്നത്. രാവിലെ ബൈക്കിൽ അമ്പലത്തിലേക്ക് പോകും വഴിയാണ് സജിൽ കാട്ടാനയുടെ മുമ്പിൽ പെടുന്നത്.

ആനയെ കണ്ട സജിൽ ബൈക്ക് ഉപേക്ഷിച്ച തിരഞ്ഞോടുകയും ചെയ്തു. യുവാവിനെ പിന്തുടർന്നെത്തിയാണ് ആന ആക്രമിച്ചത്. സജിലിനെ ആന മൂന്ന് തവണ കുത്തുകയും ചെയ്തു. കാട്ടാന ആക്രമണത്തിൽ യുവാവിന്റെ തലയ്ക്ക് ഗുരുതരമായി പരിക്കേൽക്കുകയും ചെയ്തു. പരിക്കേറ്റ സജിലിനെ ആദ്യം ബത്തേരിയിലുള്ള സ്വകാര്യ ആശുപത്രയിൽ എത്തിച്ചെങ്കിലും പിന്നീട് കോഴിക്കോട് മെഡിക്കൽ കോളേജിലേക്ക് മാറ്റി.