പൃഥ്വിരാജ് - ഷാജി കൈലാസ് കൂട്ട് കെട്ടിൽ എത്തുന്ന കടുവ തിയേറ്ററുകളിൽ റിലീസിന് ഒരുങ്ങുകയാണ്. ചിത്രം ജൂൺ 30ന് പ്രദർശനത്തിനെത്തും. കടുവയുടെ ടീസറുകളും പോസ്റ്ററുകളും ഒക്കെ ഇതിനോടകം ശ്രദ്ധ നേടിക്കഴിഞ്ഞു. ഇപ്പോഴിത ചിത്രത്തിലെ പുതിയൊരു പോസ്റ്റർ പുറത്തിറക്കിയിരിക്കുകയാണ്. നടി സംയുക്ത മേനോനും വൃദ്ധി വിശാൽ ഉൾപ്പെടെ മൂന്ന് കുട്ടികളും ഉള്ള ഒരു പോസ്റ്ററാണ് പൃഥ്വിരാജ് സോഷ്യൽ മീഡിയയിൽ പങ്കുവച്ചിരിക്കുന്നത്. ജൂൺ 30ന് ലോകമെമ്പാടും ചിത്രം റിലീസ് ആകും എന്ന ക്യാപ്ഷനോടെയാണ് പോസ്റ്റർ പങ്കുവച്ചിരിക്കുന്നത്. ചിത്രത്തിലെ ആദ്യത്തെ ലിറിക്കൽ വീഡിയോ നാളെ പുറത്തിറങ്ങും.
കടുവക്കുന്നേൽ കുറുവച്ചൻ എന്ന കഥാപാത്രമായാണ് പൃഥ്വിരാജ് ചിത്രത്തിലെത്തുന്നത്. വർഷങ്ങൾക്ക് ശേഷം പൃഥ്വിരാജ് - ഷാജി കൈലാസ് കൂട്ടുക്കെട്ടിലെത്തുന്ന ചിത്രമെന്ന പ്രത്യേകത കൂടി കടുവയ്ക്കുണ്ട്. ചിത്രം പ്രധാനമായും മുണ്ടക്കയം കുമളി ഭാഗങ്ങളിലാണ് ഷൂട്ട് ചെയ്തത്. സുപ്രിയ മേനോനും ലിസ്റ്റിൻ സ്റ്റീഫനും ചേർന്നാണ് ചിത്രം നിർമ്മിക്കുന്നത്. ജിനു എബ്രഹാമാണ് തിരക്കഥ എഴുതിയിരിക്കുന്നത്. ലൂസിഫറിന് ശേഷം വിവേക് ഒബ്റോയ് മലയാളത്തിൽ അഭിനയിക്കുന്ന ചിത്രമാണ് കടുവ.
Also Read: Kaduva Teaser 2 : "അതിനം കടുവയാ, നല്ല ഒന്നാന്തരം കടുവ"; മാസായി പൃഥ്വിരാജ്, കടുവയുടെ പുതിയ ടീസറെത്തി
ഒരു യഥാർഥ സംഭവകഥയെ ആസ്പദമാക്കിയുള്ള ചിത്രമാണ് കടുവയെന്നാണ് റിപ്പോർട്ടുകൾ സൂചിപ്പിക്കുന്നത്. ചിത്രം നിർമ്മിക്കുന്നത് ലിസ്റ്റിൻ സ്റ്റീഫന്റെ മാജിക് ഫ്രെയിംസും പൃഥ്വിരാജ് പ്രൊഡക്ഷന്സും സംയുക്തമായി ആണ്. മാസ്റ്റേഴ്സ്', 'ലണ്ടന്‍ ബ്രിഡ്ജ്'' തുടങ്ങിയ ചിത്രങ്ങളുടെ തിരക്കഥാകൃത്തും ആദം സിനിമയുടെ സംവിധായകനുമാണ് സിനിമയുടെ തിരക്കഥാകൃത്തായ ജിനു എബ്രഹാം. പൃഥ്വിരാജ് ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് കടുവ.
Prithviraj New Movie: കെജിഎഫിൻറെ പ്രോഡക്ഷൻ കമ്പനി, പൃഥിരാജിൻറെ പുതിയ സംവിധാന സംരംഭം, ടൈസൻറെ പോസ്റ്റർ പുറത്ത്
പൃഥിരാജിന്റെ സംവിധാനത്തിൽ പുറത്തിറങ്ങുന്ന പുതിയ ചിത്രം ടൈസന്റെ പോസ്റ്റർ പുറത്തിറങ്ങി. മുരളി ഗോപിയാണ് ചിത്രത്തിന്റെ തിരക്കഥയൊരുക്കുന്നത്. മലയാളത്തിന് പുറമെ തമിഴ്, കന്നട, തെലുങ്ക്, ഹിന്ദി എന്നീ ഭാഷകളിലും ചിത്രം റിലീസിന് എത്തുന്നുണ്ട്. ലൂസിഫറായിരുന്നു പൃഥിരാജ് സംവിധാനം ചെയ്ത ആദ്യ ചിത്രം. ഇത് മികച്ച വിജയം നേടിയിരുന്നു. ലൂസിഫറിന്റെ രണ്ടാം ഭാഗം എമ്പുരാൻ പൂർത്തിയാക്കിയ ശേഷമായിരിക്കും ടൈസണിലേക്ക് എത്തുക എന്നാണ് സൂചന.
ചിത്രം സംബന്ധിച്ച് കൂടുതല്‍ വിവരങ്ങളൊന്നും അണിയറക്കാര്‍ പുറത്തുവിട്ടിട്ടില്ല. മുരളി ഗോപിയുടെ രചനയില്‍ വരുന്ന എട്ടാമത്തെ ചിത്രവുമായിരിക്കും ഇത്. ഹോമബാലെ ഫിലിംസാണ് ചിത്രം നിർമ്മിക്കുന്നത്. പൃഥിയുടെ പുതിയ സംവിധാന സംരംഭത്തിൽ പ്രേക്ഷകരും ആവേശത്തിലാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
