ചിരു, എന്നെ തനിച്ചാക്കി പോകാന്‍ നിനക്ക് പറ്റുമോ? -ഹൃദയം പൊട്ടുന്ന കുറിപ്പുമായി മേഘ്ന

മരണശേഷം ആദ്യമായി ചിരഞ്ജീവി സാര്‍ജയുമൊത്തുള്ള ചിത്രം പങ്കുവച്ച് ഭാര്യയും ചലച്ചിത്ര താരവുമായ മേഘ്ന രാജ്. 

തന്‍റെ ഔദ്യോഗിക ഇന്‍സ്റ്റഗ്രാം അക്കൗണ്ടിലൂടെയാണ് താരം ചിത്രവും കുറിപ്പും പങ്കുവച്ചിരിക്കുന്നത്. ചിരു എന്നഭിസംബോധന ചെയ്താണ് മേഘ്ന ചിരഞ്ജീവി സാര്‍ജയെ പറ്റി കുറിച്ചിരിക്കുന്നത്.

'ചിരു, ഒരുപാടു ശ്രമിച്ചെങ്കിലും നിങ്ങളോട് പറയാനാഗ്രഹിക്കുന്ന കാര്യങ്ങള്‍ വാക്കുകളാല്‍ വിശദീകരിക്കാന്‍ സാധിക്കുന്നില്ല. എനിക്ക് നിങ്ങള്‍ ആരായിരുന്നു എന്ന് വിവരിക്കാന്‍ ഈ ലോകത്തുള്ള മുഴുവന്‍ വാക്കുകളും മതിയാകില്ല. എന്‍റെ സുഹൃത്ത്, എന്‍റെ കാമുകൻ, എന്‍റെ പങ്കാളി, എന്‍റെ കുട്ടി, എന്‍റെ വിശ്വസ്തൻ, എന്‍റെ ഭര്‍ത്താവ്- നിങ്ങൾ ഇതിനെല്ലാം ഉപരിയാണ്. നീ എന്‍റെ ആത്മാവിന്‍റെ ഒരു ഭാഗമാണ് ചിരു.' -മേഘ്ന രാജ് പറഞ്ഞു.

'ഞാന്‍ വീട്ടിലെത്തി' എന്ന് ഉറക്കെ പറഞ്ഞുക്കൊണ്ട് ആ വാതില്‍ കടന്ന് നിങ്ങള്‍ വരില്ലല്ലോ എന്ന് ഓര്‍ക്കുമ്പോള്‍ എന്‍റെ ആത്മാവിലൂടെ മനസിലാക്കാന്‍ കഴിയാത്ത ഇരു വേദന കടന്നുപോകുന്നു. എല്ലാ ദിവസവും ഓരോ മിനിറ്റിലും നിങ്ങളെ തൊടാൻ കഴിയാതെ വരുമ്പോഴും മനസ്‌ വേദനിക്കും. ആയിരം മരണങ്ങൾ പോലെ, വേഗത കുറഞ്ഞതും വേദനാജനകവുമാണ് ആ അവസ്ഥ. എന്നാല്‍, അതിശയം പോലെ നിങ്ങള്‍ എനിക്കരികിലുണ്ടെന്ന തോന്നലാണ്. ഞാന്‍ ദുര്‍ബലയാണെന്ന തോന്നല്‍ ഉണ്ടാകുമ്പോള്‍ എല്ലാം ഒരു കാവല്‍ മാലാഖയെ പോലെ നിങ്ങള്‍ എനിക്ക് ചുറ്റുമുണ്ട്. -മേഘ്ന പറയുന്നു. 

View this post on Instagram

CHIRU, I have tried & tried again but I am unable to put in words what I want to tell you. All the words in the world cannot describe what you mean to me. My friend, my lover, my partner, my child, my confidante, my HUSBAND- you are much more than all of this. You are a piece of my soul Chiru. An unfathomable pain shoots through my soul everytime I see the door and you don't walk in shouting "I am home". There is a sinking feeling in my heart when I can't touch you every minute of everyday. Like a thousand deaths, slow and painful. But then, like a magic spell I feel you around me. Every time I feel weak, you are around me like a guardian angel. You love me so much that you just couldn't leave me behind alone, could you? Our little one is your precious gift to me-a symbol of our love- and I am eternally grateful to you for this sweet miracle. I can't wait to bring you back to earth, as our child. I can't wait to hold you again. Can't wait to see your smile again. Can't wait to hear that infectious laughter of yours that lights up the entire room. I will wait FOR YOU and you wait FOR ME on the other side. You will live as long as I breathe. You are in me. I LOVE YOU.

A post shared by Meghana Raj Sarja (@megsraj) on Jun 17, 2020 at 10:05pm PDT

നിങ്ങൾ എന്നെ വളരെയധികം സ്നേഹിക്കുന്നു, നിങ്ങൾക്ക് എന്നെ തനിച്ചാക്കാൻ കഴിയില്ല, നിങ്ങൾക്ക് കഴിയുമോ? എന്നും‌ മേഘ്ന ചോദിക്കുന്നു. കൂടാതെ, നിങ്ങള്‍ എനിക്ക് നല്‍കിയ ഏറ്റവും വിലപിടിപ്പുള്ള സമ്മാനമാണ് നമ്മളുടെ കുഞ്ഞെന്നും അത് നമ്മളുടെ സ്നേഹത്തിന്‍റെ പ്രതീകമാണെന്നും മേഘ്ന കുറിപ്പില്‍ പറയുന്നു.

നമ്മുടെ കുട്ടിയിലൂടെ നിങ്ങളെ ഈ ഭൂമിയിലേക്ക് തിരികെയെത്തിക്കാന്‍ ഞാന്‍ കാത്തിരിക്കുകയാണ്. നിങ്ങളെ ചേര്‍ത്തുപിടിക്കാന്‍, നിങ്ങള്‍ പുഞ്ചിരിക്കുന്നത് കാണാന്‍, നിങ്ങളുടെ സന്തോഷങ്ങള്‍ കേള്‍ക്കാന്‍ ഞാന്‍ കാത്തിരിക്കുകയാണ്. ഞാന്‍ നിങ്ങള്‍ക്കായും നിങ്ങള്‍ എനിക്കായും ഇരുവശങ്ങളിലും കാത്തിരിക്കും. ഞാന്‍ ശ്വസിക്കുന്ന കാലമത്രയും നിങ്ങള്‍ ജീവിക്കും. നിങ്ങള്‍ എന്നില്‍ ഉണ്ട്. ഐ ലവ് യു ചിരു. -മേഘ്ന കുറിപ്പ് അവസാനിപ്പിക്കുന്നത് ഇങ്ങനെയാണ്.