Red Sea Festival: ജിദ്ദയിൽ നടന്ന റെഡ് സീ ഇന്‍റർനാഷണൽ ഫിലിം ഫെസ്റ്റിവലില്‍ താരമായി കിംഗ്‌ ഖാന്‍ ഷാരൂഖ് ഖാന്‍.
റെഡ് സീ ഇന്‍റർനാഷണൽ ഫിലിം ഫെസ്റ്റിവലിന്‍റെ രണ്ടാം പതിപ്പ് വെള്ളിയാഴ്ച ജിദ്ദയില്‍ ആരംഭിച്ചു. ഫിലിം ഫെസ്റ്റിവലിന്‍റെ ഉദ്ഘാടന ചടങ്ങിൽ ഷാരൂഖ് ഖാനെ പ്രത്യേകം ആദരിയ്ക്കുകയും അദ്ദേഹത്തിന്‍റെ ചിത്രമായ "ദിൽവാലെ ദുൽഹനിയ ലേ ജായേംഗേ" ഫിലിം ഫെസ്റ്റിവലിന്‍റെ ആദ്യ ദിവസം പ്രദര്‍ശിപ്പിക്കുകയും ചെയ്യും.
റെഡ് സീ ഇന്‍റർനാഷണൽ ഫിലിം ഫെസ്റ്റിവലില്‍ ഷാരൂഖ് ഖാൻ, പ്രിയങ്ക ചോപ്ര, കാജോൾ, എആർ റഹ്മാൻ എന്നിവർ പങ്കെടുത്തു. ഷാരൂഖ് ഖാന്‍ അവാര്‍ഡ്‌ നേടുമ്പോള്‍ ആഹ്ലാദത്തോടെ കൈയടിക്കുന്ന പ്രിയങ്ക ചോപ്രയേയും കാണാം.
ഷാരൂഖ്, കാജോള്‍ ജോഡികള്‍ തകര്‍ത്തഭിനയിച്ച "ദിൽവാലെ ദുൽഹനിയ ലേ ജായേംഗേ" എന്ന ചിത്രത്തിന്‍റെ പ്രദര്‍ശനത്തിനു മുന്‍പ് താരങ്ങള്‍ സ്റ്റെജിലെത്തി ആരാധകരുമായി സംവദിച്ചിരുന്നു. റെഡ് സീ ഫെസ്റ്റിവലിൽനിന്നുള്ള ഈ ചിത്രങ്ങളും വീഡിയോകളും ഇപ്പോള്‍ സോഷ്യല്‍ മീഡിയയില്‍ വൈറലാണ്.
റെഡ് സീ ഇന്‍റർനാഷണൽ ഫിലിം ഫെസ്റ്റിവലില്‍ കാജോളിനായി 'തുജെ ദേഖാ തോ' പാടുന്ന ഷാരൂഖ് ഖാന്‍, അദ്ദേഹത്തോടൊപ്പം പാടുന്ന ആരാധകരെയും വീഡിയോയില്‍ കാണാം.
റെഡ് സീ ഇന്‍റർനാഷണൽ ഫിലിം ഫെസ്റ്റിവലില്‍ ഷാരൂഖ് അവരുടെ ബാസിഗർ എന്ന ചിത്രത്തിലെ ഒരു ഐക്കണിക് ഡയലോഗ് 'ഹാര്‍ കർ ജീത്‌നേ വാലേ കോ ബാസിഗർ കെഹ്‌തേ ഹേ' എന്ന ഡയലോഗിന്‍റെ അവസാന വരിയിലേക്ക് ഷാരൂഖ് എത്തുമ്പോൾ, പ്രേക്ഷകർ കൂടുതൽ ഉച്ചത്തിൽ ആവേശത്തോടെ താരങ്ങളെ പ്രോത്സാഹിപ്പിച്ചു.
എസ്ആർകെയുമായി നിരവധി സിനിമകളില്‍ പങ്കാളിയായ എആർ റഹ്മാൻ ഫെസ്റ്റിവലിൽ സന്നിഹിതനായിരുന്നു.
നീണ്ട ഇടവേളയ്ക്ക് ശേഷം 2023ൽ ഷാരൂഖ് ഖാൻ ബിഗ്‌ സ്‌ക്രീനുകളിലേക്ക് മടങ്ങിയെത്തുകയാണ്. അദ്ദേഹത്തിന്‍റെ ചിത്രങ്ങള്‍ക്കായി ആരാധകര്‍ കാത്തിരിയ്ക്കുകയാണ്. 2018ലെ സീറോയ്ക്ക് ശേഷമുള്ള അദ്ദേഹത്തിന്‍റെ ആദ്യ റിലീസായ പത്താൻ ജനുവരി 25ന് റിലീസ് ചെയ്യും. പത്താൻ കൂടാതെ, 2023-ൽ ഷാരൂഖിന് മറ്റ് രണ്ട് ബിഗ്‌ റിലീസുകളും ഉണ്ട്, ഡങ്കി, ജവാൻ എന്നിവയാണ് അവ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
