 "Sookshma Darshini Movie: 'സൂക്ഷ്മ ദർശിനി' ഒരുങ്ങുന്നു; സ്വിച്ച് ഓൺ ചടങ്ങിൻ്റെ വീഡിയോ പുറത്ത്")
)
ബേസിൽ ജോസഫും നസ്രിയ നസീമും കേന്ദ്രകഥാപാത്രങ്ങളായി എത്തുന്ന പുതിയ ചിത്രം സൂക്ഷ്മദർശിനിയുടെ സ്വിച്ച് ഓൺ ചടങ്ങിൻ്റെ ഔദ്യോഗിക വീഡിയോ പുറത്തിറക്കി. നോൻസെൻസ് എന്ന ചിത്രം സംവിധാനം ചെയ്ത എം സി ജിതിനാണ് സൂക്ഷ്മദർശിനിയുടെ സംവിധായകൻ. ഹാപ്പി ഹവേര്സ് എന്റര്ടൈന്മെന്റ്, എവിഎ പ്രൊഡക്ഷന്സ് എന്നീ ബാനറുകളില് സമീര് താഹിര്, ഷൈജു ഖാലിദ്, എ വി അനൂപ് എന്നിവര് ചേര്ന്നാണ് ചിത്രം നിര്മ്മിക്കുന്നത്.
സംവിധായകന് എം സി ജിതിന്, അതുല് രാമചന്ദ്രന് എന്നിവരുടെ കഥയ്ക്ക് എം സി ജിതിന്, അതുല് രാമചന്ദ്രന്, ലിബിന് ടി ബി എന്നിവര് ചേര്ന്നാണ് തിരക്കഥയും സംഭാഷണവും ഒരുക്കിയിരിക്കുന്നത്. ശരൺ വേലായുധൻ ഛായാഗ്രഹണവും ക്രിസ്റ്റോ സേവ്യർ സംഗീത സംവിധാനവും നിർവ്വഹിക്കുന്നു. ചമൻ ചാക്കോയാണ് എഡിറ്റിംഗ്.
സൗണ്ട് ഡിസൈന്: വിഷ്ണു ഗോവിന്ദ്, കലാസംവിധാനം: വിനോദ് രവീന്ദ്രന്, മേക്കപ്പ്: ആര് ജി വയനാടന്, വസ്ത്രാലങ്കാരം: മഷര് ഹംസ, സ്റ്റില്സ്: രോഹിത് കൃഷ്ണന്, പ്രൊഡക്ഷന് കണ്ട്രോളര്: പ്രതീഷ് മാവേലിക്കര, പോസ്റ്റര് ഡിസൈന്: പവിശങ്കര്, ചീഫ് അസോസിയേറ്റ്: രോഹിത് ചന്ദ്രശേഖര്, ഫിനാന്സ് കണ്ട്രോളര്: ഷൗക്കത്ത് അലി, ക്രിയേറ്റീവ് ഡയറക്ടര്: ഹാഷിര്, പിആര്ഒ: ആതിര ദില്ജിത്ത് എന്നിവരാണ് മറ്റ് അണിയറപ്രവർത്തകർ. നസ്റിയയ്ക്കും ബേസില് ജോസഫിനും പുറമെ ദീപക് പറമ്പോല്, സിദ്ധാര്ഥ് ഭരതന്, മെറിന് ഫില്പ്പ്, അഖില ഭാര്ഗവന്, പൂജ മോഹന്രാജ്, കോട്ടയം രമേഷ്, ഗോപന് മങ്ങാട്ട് തുടങ്ങി വലിയ താരനിര തന്നെ ചിത്രത്തിലുണ്ട്.
ഒരിടവേളയ്ക്ക് ശേഷമാണ് നസ്റിയ വീണ്ടുമൊരു മലയാള സിനിമയില് നായികയായി എത്തുന്നത്. നാനി നായകനായി എത്തിയ ആണ്ടെ സുന്ദരാനികി എന്ന തെലുങ്ക് ചിത്രത്തിലാണ് നസ്രിയ അവസാനമായി അഭിനയിച്ചത്. വിവേക് ആത്രേയ സംവിധാനം ചെയ്ത ചിത്രം മികച്ച അഭിപ്രായം നേടിയിരുന്നു. ഗുരുവായൂരമ്പലനടയിൽ എന്ന ചിത്രത്തിന് ശേഷം ബേസിൽ നായകനാകുന്ന ചിത്രമാണ് സൂക്ഷ്മദർശിനി. പൃഥ്വിരാജും ബേസിലും നായകന്മാരായി എത്തിയ ചിത്രം ബോക്സ് ഓഫീസിൽ വലിയ വിജയം സ്വന്തമാക്കി. ചിത്രത്തിൻ്റെ ഇതുവരെയുള്ള കളക്ഷൻ 90 കോടി കഴിഞ്ഞു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
