Gayathri aka Dolly D Cruze Death: കഴിഞ്ഞ രണ്ടു വര്‍ഷങ്ങളായി ബോളിവുഡില്‍ നിന്നും നിരന്തരം ദുഃഖ വാര്‍ത്തകള്‍ എത്തുകയാണ്. ഹോളിയുടെ ദിവസം പ്രശസ്ത ചലച്ചിത്ര സംവിധായകൻ ഗിരീഷ് മാലിക്കിന്‍റെ മകൻ മനൻ (18) മരിച്ചതിന് പിന്നാലെ തെന്നിന്ത്യയില്‍നിന്നും മറ്റൊരു ദുഃഖ വാര്‍ത്ത എത്തിയിരിയ്ക്കുകയാണ്.
പ്രശസ്ത തെലുങ്കു നടിയും യൂട്യൂബറുമായ ഗായത്രിയുടെ ആകസ്മിക മരണവാര്‍ത്ത ആരാധകരെ ഒന്നടങ്കം ഞെട്ടിച്ചിരിയ്ക്കുകയാണ്. തെലുങ്ക് സിനിമകളിലെ അറിയപ്പെടുന്ന നടിയായിരുന്നു 26 കാരിയായ ഗായത്രി.
ഒരു റോഡപകടത്തിലാണ് ഗായത്രിയുടെ മരണം സംഭവിച്ചത്. ഹൈദരാബാദിലെ ഗച്ചിബൗലി മേഖലയിലാണ് അപകടമുണ്ടായതെന്നാണ് റിപ്പോര്‍ട്ട്. വെള്ളിയാഴ്ച, മാർച്ച് 18ന് ഹോളി ആഘോഷം കഴിഞ്ഞ് സുഹൃത്ത് റാത്തോഡിനൊപ്പം മടങ്ങുകയായിരുന്ന ഇവരുടെ വാഹനം അപകടത്തില്‍പ്പെടുകയായിരുന്നു.
Also Read: Bigg Boss Season4: ലക്ഷ്‌മിപ്രിയ മുതൽ തിങ്കൾ ഭാൽ വരെ; സാധ്യതകൾ പലത്, പുറത്ത് വരുന്നത് വമ്പൻ മാറ്റം
റോഡിലൂടെ നടന്നുപോകുകയായിരുന്ന 36കാരിയെ രക്ഷിക്കുന്നതിനിടെ ഗായത്രിയുടെ കാർ ഡിവൈഡറില്‍ ഇടിച്ച് മറിയുകയായിരുന്നു. വഴിയാത്രക്കാരിയുടെ മുകളിലേക്കാണ് കാര്‍ മറിഞ്ഞത്. മൂവരെയും രക്ഷാപ്രവര്‍ത്തകര്‍ ഉടന്‍ തന്നെ ആശുപത്രിയില്‍ എത്തിച്ചുവെങ്കിലും ഗായത്രിയുടെയും യുവതിയുടെയും ജീവന്‍ രക്ഷിക്കാനായില്ല. അതേസമയം, യുവാവിന്‍റെ നില അതീവ ഗുരുതരമായി തുടരുകയാണ്.
ഡോളി ഡിക്രൂസ് എന്നാണ് ഗായത്രിയുടെ യഥാര്‍ഥ പേര്. സോഷ്യല്‍ മീഡിയയില്‍ ഏറെ ആരാധകരുള്ള താരം ഇന്‍സ്റ്റഗ്രാമിലൂടെയാണ് പ്രശസ്തയാകുന്നത്. മാഡം സാര്‍ മാഡം എന്ന വെബ് സീരിസിലൂടെയാണ് അഭിനയരംഗത്ത് ഗായത്രി അരങ്ങേറ്റം കുറിച്ചത്.
താരത്തിന്‍റെ പെട്ടെന്നുള്ള വിയോഗത്തില്‍ ആരാധകർ ദുഃഖത്തിലാണ്. തങ്ങളുടെ പ്രിയപ്പെട്ട നടി ഗായത്രി ഈ ലോകത്തില്ലെന്ന വസ്തുത ആരാധകർക്ക് ഇപ്പോഴും വിശ്വസിക്കാനാകുന്നില്ല.
ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക.
