"ദി മിസ്റ്റേക്കർ ഹൂ" എന്ന സസ്പെൻസ് ഹൊറർ ത്രില്ലർ ചിത്രം മെയ് 31 ന് പ്രദർശനത്തിനെത്തുന്നു. മായ ശിവയും ശിവ നായരും ചേർന്നാണ് ചിത്രം സംവിധാനം ചെയ്തിരിക്കുന്നത്. മായ ശിവയുടെയും ശിവ നായരുടെയും മകൻ ആദിത്യ ദേവാണ് ചിത്രത്തിലെ നായക കഥാപാത്രത്തെ അവതരിപ്പിക്കുന്നത്. മായ ശിവ സംവിധാനം ചെയ്ത ഥൻ, മെയ്ഡ് ഇൻ ട്രിവാൻഡ്രം തുടങ്ങിയ ചിത്രങ്ങളിലും ആദിത്യദേവ് ആണ് കേന്ദ്ര കഥാപാത്രത്തെ അവതരിപ്പിച്ചത്.
ചിത്രത്തിന് പിന്നിലെ പ്രധാന സാങ്കേതിക കാര്യങ്ങളെല്ലാം അച്ഛനും അമ്മയും മകനും തന്നെയാണ് കൈകാര്യം ചെയ്തിരിക്കുന്നത്. തന്റെ കുടുംബത്തിന്റെ തകർച്ചയ്ക്ക് കാരണക്കാരായവരോടു പകരം ചോദിക്കാൻ ഇറങ്ങിത്തിരിക്കുന്ന നായകൻ. ആ യാത്രയിൽ അയാൾക്ക് നേരിടേണ്ടി വരുന്ന സങ്കീർണ്ണമായ പ്രശ്നങ്ങളും തുടർന്നുണ്ടാകുന്ന മാനസിക സംഘർഷങ്ങളുമാണ് ചിത്രത്തിന്റെ പ്രമേയം.
ALSO READ: കാൻ ഫെസ്റ്റിവലിൽ ഇന്ത്യൻ അഭിമാനം, കേരളത്തിന്റേയും! 'ഓൾ വീ ഇമാജിൻ ആസ് ലൈറ്റ്' പ്രീമിയർ ഷോ
തിരുവനന്തപുരത്തും പരിസരപ്രദേശങ്ങളിലുമായി ചിത്രീകരണം പൂർത്തിയാക്കിയ ചിത്രത്തിൽ ആദിത്യദേവിനെ കൂടാതെ ദയ, ആര്യ, അഡ്വ. രാജീവ് കുളിക്കിലേരി, ശ്രീലത, രമണി, രേഷ്മ, ക്രിസ്റ്റീന, ജയ, രാമവർമ, ബിപിൻ, ബിജു, വിനീഷ്, മണിയൻ ശ്രീവരാഹം, സുബ്രഹ്മണി എന്നിവരും ചിത്രത്തിൽ അഭിനയിക്കുന്നു. ബാനർ - ആദിത്യദേവ് ഫിലിംസ്, നിർമാണം -മായ ശിവ, സംവിധാനം - മായ ശിവ, ശിവ നായർ.
കഥ, തിരക്കഥ, ഗാനരചന, സംഗീതം, കല, വസ്ത്രാലങ്കാരം- മായ ശിവ, ഛായാഗ്രഹണം- മായ ശിവ, ആദിത്യദേവ്, വിതരണം- ഫിയോക്, ചമയം- മായ ശിവ, ശിവനായർ, എഡിറ്റിംഗ്- ആദിത്യദേവ്, ആലാപനം- രവിശങ്കർ, സ്റ്റിൽസ്- ശിവ നായർ, പ്രൊഡക്ഷൻ കൺട്രോളർ- അനിൽ പെരുന്താന്നി, പിആർഒ- അജയ് തുണ്ടത്തിൽ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
