കൊച്ചി: സൈജു കുറുപ്പിനെ കേന്ദ്രകഥാപാത്രമാക്കി ദുല്‍ഖര്‍ സല്‍മാൻ നിര്‍മിക്കുന്നു ചിത്രം 'ഉപചാരപൂര്‍വ്വം ഗുണ്ട ജയന്‍' സിനിമയിലെ (Upacharapoorvam Gunda Jayan Movie) രണ്ടാമത്തെ ഗാനം പുറത്തിറങ്ങി. ചില്ലുമണി കായലിന്റെ എന്ന് തുടങ്ങുന്ന ഗാനം സംഗീത സംവിധായകൻ ബിജിബാലിന്റെ മകൾ ദയ ബിജിബാലാണ് ആലപിച്ചിരിക്കുന്നത്. ബിജിബാൽ തന്നെയാണ് ഗാനം സംഗീതം നൽകിയിരിക്കുന്നത്. ഹരിനാരയണനന്റെയാണ് വരികൾ.
നേരത്തെ ഗുണ്ട ജയൻ എന്ന് ആരംഭിക്കുന്ന ചിത്രത്തിലെ ആദ്യ ഗാനത്തിന് വൻ പ്രേക്ഷക സ്വീകാര്യതയായിരുന്നു ലഭിച്ചിരുന്നത്. അജിത്ത് പി വിനോദന്റെ വരികൾക്ക് ശബരീഷും ജയദാസനും ചേർന്ന് ഒരുക്കിയ ഗാനം ശബരീഷ് തന്നെയായിരുന്നു ആലപിച്ചത്.
ചിത്രം ഫെബ്രുവരി 25ന് തിയറ്ററുകളിൽ റിലീസ് ചെയ്യും. അരുൺ വൈഗയാണ് ചിത്രം സംവിധാനം ചെയ്തിരിക്കന്നത്.
വേഫെയര്‍ ഫിലിംസിന്റെ ബാനറില്‍ ദുല്‍ഖര്‍ സല്‍മാനും മൈ ഡ്രീംസ് എന്റര്‍ടൈന്‍മെന്റിന്റെ ബാനറില്‍ സെബാബ് ആനിക്കാടും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. രാജേഷ് വര്‍മ്മയുടെതാണ് തിരക്കഥ.
ചിത്രത്തില്‍ സൈജു കുറുപ്പിന് പുറമെ സിജു വില്‍സണ്‍, ശബരീഷ് വര്‍മ്മ, ജോണി ആന്റണി, സാബുമോന്‍, സുധീര്‍ കരമന, ജാഫര്‍ ഇടുക്കി, ബിജു സോപാനം, വിജിലേഷ്, ബൈജു എഴുപുന്ന, തട്ടിം മുട്ടിം ഫെയിം സാഗര്‍ സൂര്യ, ഷാനി ഷാക്കി, വൃന്ദ മേനോന്‍, നയന, പാര്‍വതി, ഷെലജ പി അമ്പു തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. ക്യാമറ എല്‍ദോ ഐസക്, എഡിറ്റര്‍ കിരണ്‍ ദാസ്, സൗണ്ട് ഡിസൈന്‍ വിഷ്ണു ഗോവിന്ദ് ശ്രീ ശങ്കര്‍.
ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക.
