DA Hike News: നവരാത്രിയുടെ ആദ്യ ദിവസം തന്നെ കേന്ദ്ര സർക്കാർ ജീവനക്കാർക്ക് സന്തോഷവാർത്ത ലഭിച്ചേക്കും.
ഒക്ടോബർ 3, നാളെ കേന്ദ്രമന്ത്രിസഭാ യോഗം ചേരും. ഈ യോഗത്തിൽ ജീവനക്കാരുടെ ഡിഎ വർധനവ് സംബന്ധിച്ച് വലിയ തീരുമാനങ്ങൾ ഉണ്ടാകുമെന്നാണ് പ്രതീക്ഷ.
ഡിഎ വർധനവുണ്ടായാൽ അത് ജീവനക്കാർക്ക് ദസറ ദീപാവലി സമ്മാനമാകും. നേരത്തെ, മാർച്ചിൽ സർക്കാർ DA വർദ്ധിപ്പിച്ചിരുന്നു. അത് 2024 ജനുവരി 1 മുതൽ പ്രാബല്യത്തിൽ വന്നു.
അടുത്ത ഡിഎ വർധനവിനായി എല്ലാ ജീവനക്കാരും ആകാംക്ഷയോടെ കാത്തിരിക്കുകയാണ്. ഡിഎ വർധിപ്പിക്കുന്നതിനെ കുറിച്ച് ഔദ്യോഗികമായ അറിയിപ്പുകൾ ഒന്നും ഇതുവരെ വന്നിട്ടില്ല.
DA വർദ്ധന 3% ആണെങ്കിൽ കേന്ദ്ര സർക്കാർ ജീവനക്കാരുടെയും പെൻഷൻകാരുടെയും മൊത്തം ക്ഷാമബത്ത 53 ശതമാനമായി ഉയരും.
നിലവിൽ ജീവനക്കാർക്ക് 50 ശതമാനം ഡിഎയുടെ ആനുകൂല്യമാണ് ലഭിക്കുന്നത്. ഇതിന് പുറമെ ജൂലൈ മുതൽ സെപ്തംബർ വരെയുള്ള മൂന്ന് മാസത്തെ കുടിശ്ശികയും സർക്കാർ നൽകും.
