വീട്ടിലുണ്ടാക്കുന്ന ഹെയർ മാസ്‌കുകൾ ഉപയോഗിക്കുമ്പോൾ മുടിക്ക് കേടുപാടുകൾ സംഭവിക്കാനുള്ള സാധ്യത കുറവാണ്.
ശരീരത്തിനും ചർമ്മത്തിനും എന്ന പോലെ വേനൽക്കാലത്ത് മുടിയിഴകൾക്കും ജലാംശം ആവശ്യമാണ്. മുടിയുടെ സംരക്ഷണത്തിനായി കെമിക്കൽ ഉൽപ്പന്നങ്ങൾ ഉപയോഗിക്കുന്നത് ഒന്ന് നിർത്താം. പ്രകൃതിദത്ത രീതികൾ ഉപയോഗിച്ച് മുടി സംരക്ഷിക്കാം ഇനി. വീട്ടിലുണ്ടാക്കുന്ന ഹെയർ മാസ്‌കുകൾ ഉപയോഗിക്കുമ്പോൾ മുടിക്ക് കേടുപാടുകൾ സംഭവിക്കാനുള്ള സാധ്യത കുറവാണ്. ഈ വേനൽക്കാലത്ത് മുടിയുടെ ആരോഗ്യം നിലനിർത്താൻ ലളിതവും പ്രകൃതിദത്തവുമായ ചില വിദ്യകൾ നോക്കാം.
മുട്ട മാസ്ക്: മുട്ടയിൽ ഉയർന്ന അളവിൽ പ്രോട്ടീൻ അടങ്ങിയിട്ടുണ്ട്. ഇത് മുടിയുടെ പോഷണത്തിന് വളരെ നല്ലതാണ്. ഒരു കപ്പ് പാലിൽ ഒരു മുട്ട ചേർത്ത് മിക്സ് ചെയ്യുക. മിശ്രിതം മുടിയിൽ പുരട്ടി 5 മിനിറ്റ് കഴിഞ്ഞ് വെള്ളം ഉപയോഗിച്ച് നന്നായി കഴുകുക. ഇത് ആഴ്ചയിൽ രണ്ടുതവണ ചെയ്യണം.
ബദാം ഓയിൽ: വളരെ വരണ്ടതും പൊട്ടുന്നതുമായ മുടിക്ക് അൽപം ബദാം ഓയിൽ മുട്ടയുടെ മഞ്ഞക്കരുവുമായി യോജിപ്പിക്കുക. ഇത് മുടിയിൽ പുരട്ടണം. ഒരു മണിക്കൂറിന് ശേഷം മൃദുവായ ഷാംപൂ ഉപയോഗിച്ച് മുടി കഴുകുക.
എള്ളെണ്ണയും ഗ്ലിസറിനും: ഒരു ടീസ്പൂൺ എള്ള് വിത്ത് (ടിൽ) എണ്ണ, ഒരു ടേബിൾസ്പൂൺ ശുദ്ധമായ ഗ്ലിസറിൻ, 1 മുട്ടയുടെ മഞ്ഞക്കരു. ഇവയെല്ലാം മിക്സ് ചെയ്യുക. തുടർന്ന് മുടിയിലും മുടിയുടെ അറ്റത്തും പുരട്ടുക. അര മണിക്കൂറിന് ശേഷം മുടി ഷാംപൂ ഉപയോഗിച്ച് കഴുകാം. നീളമുള്ള മുടിയാണെങ്കിൽ കൂടുതൽ എണ്ണ ഉപയോഗിക്കുക.
പാൽ: ഷാംപൂ ചെയ്തതിന് ശേഷം മുടി പാൽ ഉപയോഗിച്ച് കഴുകാം. തുടർന്ന് അഞ്ച് മിനിറ്റ് അങ്ങനെ തുടരുക. അതിന് ശേഷം സാധാരണ വെള്ളത്തിൽ കഴുകി കളയാം. മുടിയിൽ ഈർപ്പം നിലനിർത്താൻ ഇത് സഹായിക്കും.
