Ram Movie: മോഹൻലാലിനെ കേന്ദ്രകഥാപാത്രമാക്കി ജീത്തു ജോസഫ് സംവിധാനം ചെയ്യുന്ന ചിത്രമാണ് റാം. ചിത്രത്തിന്റെ പുതിയ വിശേഷം പങ്കുവെച്ചിരിക്കുകയാണ് ജീത്തു ജോസഫ്. സിനിമയുടെ ചിത്രീകരണത്തിനായി മോഹൻലാൽ അടുത്ത ലൊക്കേഷനിലേക്ക് യാത്ര ചെയ്യുന്നതിന്റെ ചിത്രങ്ങളാണ് സോഷ്യൽ മീഡിയയിൽ ഷെയർ ചെയ്തിരിക്കുന്നത്.
റാം അടുത്ത ലൊക്കേഷനിലേക്ക്.... എർഫൗഡ്, മൊറോക്കോ, എന്ന ക്യാപ്ഷനോട് കൂടിയാണ് ജീത്തു ചിത്രങ്ങൾ പങ്കുവെച്ചിരിക്കുന്നത്. പോസ്റ്റ് ഇതിനോടകം വൈറലായിക്കഴിഞ്ഞു.
2020 ൽ പ്രഖ്യാപിച്ച ചിത്രമാണ് റാം. ചിത്രത്തിൻറെ ഫസ്റ്റ് ലുക്ക് പോസ്റ്റർ നേരത്തെ പുറത്തുവിട്ടിരുന്നു. കോവിഡ് കാരണം ഷൂട്ടിംഗ് വൈകുകയായിരുന്നു
തെന്നിന്ത്യന്‍ സുന്ദരി തൃഷയാണ് ചിത്രത്തില്‍ നായികയായി എത്തുന്നത്.
ഇന്ദ്രജിത്ത് സുകുമാരന്‍, ആദില്‍ ഹുസൈന്‍, ദുര്‍ഗ കൃഷ്ണ, സായ്കുമാര്‍ എന്നിവരും ചിത്രത്തില്‍ അഭിനയിക്കുന്നുണ്ട്.
