AFC Cup 2022 : മോഹൻ ബാഗാനെ തകർത്ത് ഗോകുലം കേരള എഫ്സിയുടെ എ എഫ് സി കപ്പ് അരങ്ങേറ്റം

AFC Cup Gokulam Kerala FC ഗോകുലം നേടിയ രണ്ട് ഗോളുകൾ പിറന്നത് മലയാളി താരങ്ങളുടെ ബുട്ടിൽ നിന്ന്.

കൊൽക്കത്ത : എ എഫ് സി കപ്പ് 2022ൽ ഐഎസ്എൽ വമ്പന്മാരായ എടികെ മോഹൻ ബഗാനെ തകർത്ത ഗോകുലം കേരള എഫ്സിയുടെ അരങ്ങേറ്റം. രണ്ടിനെതിരെ നാല് ഗോളുകൾക്കാണ് കേരള ടീമിന്റെ ജയം. ഗോകുലം നേടിയ രണ്ട് ഗോളുകൾ പിറന്നത് മലയാളി താരങ്ങളുടെ ബുട്ടിൽ നിന്ന്.

ഗോൾ രഹിതമായിരുന്ന ആദ്യപകുതിക്ക് ശേഷം അമ്പതാം മിനിറ്റിലാണ് മത്സരത്തിൽ ആദ്യ ഗോൾ പിറന്നത്. മലബാർ ടീമിന്റെ സ്ലോവേനിയൻ മുന്നേറ്റ താരം ലൂക്ക മജ്കെനാണ് ആദ്യ ഗോൾ നേടുന്നത്. പിന്നാലെ ഇന്ത്യൻ താരം പ്രീതം കോട്ടാൽ 53-ാം മിനിറ്റൽ കൊൽക്കത്ത ടീമിനായി സമനില ഗോൾ കണ്ടെത്തുകയും ചെയ്തു. 

 FT |  @GokulamKeralaFC - @atkmohunbaganfc

A memorable night for Vincenzo Alberto and his men, as they make a statement on their debut on the continental stage #AFCCup2022 | #GFCvAMB pic.twitter.com/lvO0zMrFut

— #AFCCup2022 (@AFCCup) May 18, 2022

എന്നാൽ ആ സമനിലയ്ക്ക് നാല് മിനിറ്റിന്റെ ആയുസ് മാത്രമെ ഉണ്ടായിരുന്നുണ്ട്. 57-ാം മിനിറ്റിൽ പിപി റിഷാദിന്റെ ഗോളിൽ കേരള ടീം വീണ്ടും മുന്നിലെത്തി. ശേഷം 65 മിനിറ്റിൽ വീണ്ടും മോഹൻ ബഗാന്റെ വല കലുക്കി ലൂക കേരളത്തിന്റെ ലീഡ് ഉയർത്തുകയായിരുന്നു. 

പിന്നീട് 80-ാം മിനിറ്റിൽ കൊൽക്കത്ത ടീമിനായി ലിസ്റ്റൺ കൊളാസോ ഗോൾ നേടിയതോടെ മത്സരം വീണ്ടും ആവേശത്തിലായി. സമനില ഗോളിന് വേണ്ടി എടികെ ശ്രമിച്ചെങ്കിലും ആ പ്രതീക്ഷ തകർത്ത് പകരക്കാരനായി എത്തിയ ഗോകുലത്തിന്റെ മറ്റൊരു മലയാളി താരം ജിതിൻ കേരള ടീമിന്റെ ലീഡ് ഉയർത്തുകയായിരുന്നു. 89-ാം മിനിറ്റിലെ ജിതിന്റെ ഗോൾ നേട്ടത്തോടെ ഗോകുലം കന്നി മത്സരത്തിൽ തന്നെ ആദ്യ എ എഫ് സി ജയം സ്വന്തമാക്കുകയും ചെയ്തു. 

2020-22 ഐ ലീഗ് സീസൺ നിലനിർത്തിയതിന് പിന്നാലെയാണ് കേരള ടീം ഏഷ്യൻ ഫെഡറേഷൻ കപ്പിനായി കൊൽക്കത്തിയിലേക്കെത്തിയത്. ഐ ലീഗ് യുഗത്തിൽ കിരീടം നിലനിർത്തുന്ന ആദ്യ ടീമെന്ന് ഖ്യാതി ഗോകുലത്തിന് ലഭിക്കുകയും ചെയ്തു. മെയ് 21ന് മാലിദ്വീപ് ടീം മസ്സിയാ എഫ്സിക്കെതിരെയാണ് ഗ്രൂപ്പ് ഘട്ടത്തിലെ ഗോകുലത്തിന്റെ അടുത്ത മത്സരം.