IPL 2024 : 'പോയി ബൗണ്ടറിലൈനിൽ നിൽക്ക്'! രോഹിത്തിനോട് ആജ്ഞാപിച്ച് ഹാർദിക് പാണ്ഡ്യ; വീഡിയോ

IPL 2024 Hardik Pandya Rohit Sharma Viral Video : മുംബൈ ഇന്ത്യൻസ് ഗുജറാത്ത് ടൈറ്റൻസ് മത്സരത്തിനിടെയുള്ള വീഡിയോ ഇപ്പോൾ സോഷ്യൽ മീഡിയയിൽ ചർച്ചയായിരിക്കുന്നത്

ഐപിഎൽ 2024 ആരംഭിക്കുന്നത് മുമ്പ് ഏറ്റവും കൂടുതൽ ചർച്ചയായ വിഷയമാണ് മുംബൈ ഇന്ത്യൻസിന്റെ ക്യാപ്റ്റൻസി കൈമാറ്റം. എംഐയുടെ മുൻ താരമായിരുന്നു ഹാർദിക് പാണ്ഡ്യയെ ഗുജറാത്ത് ടൈറ്റൻസിൽ നിന്നും തിരികെ മുംബൈയിലേക്കെത്തിച്ച ഫ്രാഞ്ചൈസി ക്യാപ്റ്റനാക്കിയ നടപടി ആരാധകരെ ഒന്നടങ്കമാണ് ഞെട്ടിച്ചത്. മുംബൈക്ക് വേണ്ടി അഞ്ച് തവണ ഐപിഎൽ കിരീടം ഉയർത്തിയ രോഹിത് ശർമയെ വെട്ടി പകരം നായകസ്ഥാനത്ത് പാണ്ഡ്യയെ നിയമിച്ചത് വലിയ രോക്ഷമാണ് എംഐയുടെ ആരാധകർക്കിടിയിൽ സൃഷ്ടിച്ചത്. 

പാണ്ഡ്യയുടെ കീഴിൽ ഇനി രോഹിത് ശർമ എങ്ങനെയാകും മുംബൈയിൽ തുടരുകയെന്ന് കാണാൻ കാത്തിരിക്കുകയായിരുന്നു ആരാധകർ. അത് ആരാധകർക്ക് ഐപിഎൽ 2024ലെ മുംബൈയുടെ ആദ്യ മത്സരത്തിൽ തന്നെ കാണാൻ സാധിച്ചു. ഗുജറാത്തിനെതിരെയുള്ള മുംബൈയുടെ ആദ്യ മത്സരത്തിൽ പാണ്ഡ്യ രോഹിത്തിന് ഫിൽഡിങ് നിർദേശം നൽകുന്ന വീഡിയോ സോഷ്യൽ മീഡിയയിൽ വലിയ ചർച്ചയായിരിക്കുകയാണ്. 30 യാർഡ് സർക്കിളിൽ ഫീൽഡ് ചെയ്തിരുന്ന രോഹിത്തിനെ ബൗണ്ടറിലൈനിലേക്ക് പോകാൻ പാണ്ഡ്യ നിർദേശം നൽകുന്നതാണ് വീഡിയോ.

I cannot ffs. This guy has almost won India a World Cup and here some upgraded version of Daniel Sams telling him what to do on field. Cricket is hurting.#HardikPandyapic.twitter.com/ZpLjzJnoTZ

— Himanshu Pareek (@Sports_Himanshu) March 25, 2024

ഇത് മുംബൈ ഇന്ത്യൻസ് ആരാധകരെ പോലും ചൊടുപ്പിച്ചിരിക്കുകയാണ്. ക്യാപ്റ്റനായിരുന്ന സമയം മുതൽ രോഹിത്തിനെ 30 യാർഡ് സർക്കിളിനുള്ളിലാണ് ഫീൽഡ് ചെയ്തിരുന്നത്. എന്നാൽ പാണ്ഡ്യയുടെ കീഴിൽ എത്തിയപ്പോൾ ഇന്ത്യൻ ക്യാപ്റ്റനായ താരത്തെ ബൗണ്ടറിലൈനിലേക്ക് പറഞ്ഞയക്കുകയായിരുന്നു.

അതേസമയം മത്സരത്തിൽ മുംബൈ ഇന്ത്യൻസിനെ ഗുജറാത്ത് ടൈറ്റൻസ് ആറ് റൺസിന് തോൽപ്പിച്ചു. ടോസ് നഷ്ടപ്പെട്ട ആദ്യം ബാറ്റ് ചെയ്ത ഗുജറാത്ത് 168 റൺസെടുക്കുകയായിരുന്നു. മറുപടി ബാറ്റിങ്ങിനിറങ്ങിയ മുംബൈക്ക് 162 റൺസെടുക്കാനെ സാധിച്ചുള്ളൂ. അവസാന ഓവർ വരെ നീണ്ട് നിന്ന ത്രില്ലർ മത്സരത്തിലാണ് മുംബൈ തോൽവി വഴങ്ങിയത്.