വാഷിംഗ്ടണ്‍: സൈക്ക്ലിംഗ് ലോക ചാമ്പ്യനും ഒളി൦മ്പിക്സ് വെള്ളി മെഡല്‍ ജേതാവുമായിരുന്ന കെല്ലി കാറ്റ്‌ലന്‍ (23) അന്തരിച്ചു.
യുഎസ്എയുടെ ദേശീയ സൈക്ക്ലിംഗ് ടീമിലെ അംഗമായിരിക്കെയാണ് അന്ത്യം. മരണകാരണം എന്താണെന്ന് വ്യക്തമല്ല. 2016 2017, 2018ലെ ലോക ടൈറ്റിലുകൾ കരസ്ഥമാക്കിയ യുഎസ് ടീമിന്‍റെ ഭാഗമായിരുന്നു കെല്ലി.
കായിക താരം എന്നതിനപ്പുറം ദേശീയ സൈക്ക്ലിംഗ് കുടുംബത്തിലെ ഒരംഗത്തെയാണ് നഷ്ടപ്പെട്ടതെന്ന് യുഎസ്എ സൈക്ക്ലിംഗ് സിഇഓയും പ്രസിഡന്‍റുമായ റോബ് ഡി മാര്‍ടിനി പറഞ്ഞു.
സൈക്ക്ലിംഗ് സമൂഹ൦ മുഴുവനു൦ ഈ തീരാനഷ്ടത്തിന്‍റെ ദു:ഖത്തിലാണെന്നും കെല്ലിയുടെ ടീം അംഗങ്ങള്‍ക്കും, കോച്ചുമാര്‍ക്കും സ്റ്റാഫിനും പൂര്‍ണ പിന്തുണ നല്‍കുമെന്നും അദ്ദേഹം വ്യക്തമാക്കി.
സ്റ്റാൻഫോർഡ് യൂണിവേഴ്സിറ്റിയിലെ ബിരുദ വിദ്യാർത്ഥിയായിരുന്ന കെല്ലി മിനസോട്ട സ്വദേശിയാണ്.
