കുഞ്ഞുപെങ്ങൾക്ക് കൂടുതൽ അധികാരം നൽകി കിം..!

സോൾ:  ഉത്തര കൊറിയൻ ഏകാധിപതി ഭരണത്തിലെ കൂടുതൽ അധികാരങ്ങൾ കുഞ്ഞു പെങ്ങൾക്ക് നൽകിയതായി റിപ്പോർട്ട്.  എന്നാൽ ഉത്തരകോറിയയുടെ ഏറ്റവും വലിയ അധികാര കേന്ദ്രം കിം തന്നെയാണെന്നും അധികാരങ്ങൾ അൽപ്പാൽപ്പമായി സഹോദരിയായ യോ ജോങിന്  കൈമറുന്നതാണെന്നുമാണ് ദക്ഷിണ കൊറിയയുടെ വാദം. 

മാനസിക സമ്മർദ്ദം  കുറയ്ക്കുന്നതിനായി നയപരമായ വിവിധ വിഷയങ്ങളിൽ  തീരുമാനമെടുക്കാനുള്ള അധികാരം കിം ജോങ് ഉൻ കിം യോ ജോങിന് നല്കിയതായാണ് ദക്ഷിണ കൊറിയൻ ചാരസംഘടന പറയുന്നതെന്ന് ബിബിസി റിപ്പോർട്ട്  ചെയ്തിട്ടുണ്ട്.  ദക്ഷിണ കൊറിയയുടെ റിപ്പോർട്ട് അനുസരിച്ച് ആഭ്യന്തര കാര്യങ്ങൾ പൂർണ്ണമായും സഹോദരിയാണ് നിയന്ത്രിക്കുന്നത് എന്നാണ്.  

സഹോദരി മാത്രമല്ല കിമ്മിനോട് അടുത്തുള്ള ചിലർക്കും മറ്റ് അധികാരങ്ങളും  കൈമാറിയതായിട്ടാണ് റിപ്പോർട്ട്.  എന്നാൽ പലപ്പോഴും ഉത്തരകോറിയയെക്കുറിച്ചുള്ള ദക്ഷിണ കൊറിയയുടെ റിപ്പോർട്ടുകൾ തെറ്റിയിട്ടുണ്ടെന്നും സൂചനയുണ്ട്. അതുപോലെ യുഎസ്, ദക്ഷിണ കൊറിയ വിഷയങ്ങളിൽ ഉത്തര കൊറിയയുടെ വിദേശനയം തീരുമാനിക്കാനുള്ള ഉത്തരവാദിത്തം കിം യോ ജോങിനാണെന്നും  ദക്ഷിണ കൊറിയ പറഞ്ഞു.  

നയപരമായ പിഴവുകളിൽ]നിന്ന് ഉത്തരവാദിത്തം ഒഴിവാക്കാനും  മാനസിക സംഘർഷം  കുറയ്ക്കാനുമാണ് കിം ജോങ് ഉൻ സഹോദരിയ്ക്ക് കൂടുതൽ അധികാരങ്ങൾ നൽകുന്നതെന്നും റിപ്പോർട്ട് ഉണ്ട്.  കിമ്മിണു ഈ സഹോദരിയുമായിട്ടേ അടുപ്പമുള്ളുവെന്നും സൂചനയുണ്ട്.  കിമ്മിനേക്കാൾ 4 വയസിന് ഇളയതാണ് സഹോദരി.