अभिनव शुक्लाला जडला मोठा आजार, अखेर सत्य आलं समोर

मुंबई : अभिनव शुक्ला हे बिग बॉसनंतर टेलिव्हिजनचं सुप्रसिद्ध नाव बनलं आहे. अलीकडेच अभिनवच्या एका पोस्टने सोशल मीडियावर खळबळ उडाली आहे.  अभिनवने या पोस्टवर बॉर्डरलाइन डिस्लेक्सिया असल्याची कबुली दिली आहे.

एका मुलाखती दरम्यान अभिनव म्हणाला, "सर्वप्रथम मला बॉर्डरलाइनवर डिस्लेक्सिया आहे. हे खूप नॉर्मल आहे. म्हणूनच कदाचित मला ते समजण्यास इतका वेळ लागला. आपण सहसा लोकांना सांगतो की तो विसराळू आहे, त्याला काहीही आठवत नाही. ती सुद्धा माझी एक कमतरता आहे. जरी मी इतर गोष्टींमध्ये खूप  चांगला आहे पण संख्या, अंक, वर्धापन दिन आणि नावे लक्षात ठेवणे, जेथे नाव आणि संख्या यांचे संयोजन येते, मी या सर्व गोष्टींमध्ये खूप वाईट आहे.लोक माझ्याकडे  तक्रार करायचे की तुम्हाला का काही आठवत नाही. 

खतरों के खिलाडी मध्ये दिली कबुली

अभिनव पुढे म्हणतो, मी खतरों के खिलाडी मध्ये केलेला स्टंट, जो शेवटच्या दिवशीच प्रसारित झाला. त्यामध्ये मी म्हटले आहे की , मला बॉर्डरलाइनवर डिस्लेक्सिया  आहे. मला आठवत नाही पण मी हा स्टंट नक्कीच करेन.

मी विचार करत होतो की शो पाहिल्यानंतर लोकांनी माझ्याबद्दल वेगळी धारणा करू नये, म्हणून मी स्टेटस टाकला आहे. जेणेकरून माझ्या बाजूने स्पष्टता येईल की मी  काय आहे आणि ते सर्वांच्या समोर आहे.

View this post on Instagram

A post shared by Abhinav Shukla (@ashukla09)

प्रत्येकाच्या नावासोबत जन्मतारीख सेव्ह केली 

मी ओळी लक्षात ठेवण्यात खूप हुशार होतो. पण कधीकधी अशा ओळींची जोडणी असायची जी मी वाचत असलो, की मला भीती वाटते की मी तिथे अडकून पडेन  आणि पुन्हा पुन्हा अडकून पडेन.
 माझ्यासाठी फक्त संख्या लक्षात ठेवणे ही  समस्या आहे. मी माझ्या वडिलांचा नंबर देखील नाव आणि 24 जुलै ही जन्मतारिख असा सेव्ह केला होता. सर्व मित्रांच्या नावांसह, मी त्यांचे वाढदिवस लिहून ठेवतो. मी दर मिनिटाला गोंधळून जातो. तथापि, मी ते कधीही कमतरता म्हणून घेतले नाही किंवा स्वतःला निराश केले नाही.