मॅकॅनिकला जीवे मारण्याची धमकी; आदित्य पांचोली अडचणीत

मुबंई : बॉलिवूड अभिनेता आदित्य पांचोली पुन्हा एकदा वादाच्या भोवऱ्यात अडकला आहे. मुंबईतील एका कार मॅकॅनिकने आपल्याला जीवे मारण्याची धमकी दिल्याप्रकरणी आदित्य पांचोलीविरोधात वर्सोवा पोलीस स्टेशनमध्ये गुन्हा नोंदविण्यात आला आहे. 

Mumbai: Complaint registered against actor Aditya Pancholi at Versova Police Station by a car mechanic for allegedly threatening to kill him when he asked for a payment of car repair charges of Rs 2,82,158. Investigation underway. pic.twitter.com/T3uRIph7TM

— ANI (@ANI) January 21, 2019

१० मार्च २०१७ रोजी आदित्य पांचोलीने कार मॅकॅनिक मौसिम राजापकर याच्याकडून कार दुरूस्ती तसेच काही मॉडिफिकेशन करून घेतले होते. या कार दुरूस्तीसाठी मॅकॅनिकने २ लाख ८२ हजार १५८ रूपये इतका खर्च सांगितला. परंतू आदित्य पांचोलीने कार चालवून पाहिल्यावर त्याचे पैसे देणार असल्याचे सांगितले. मौसिमने पैशांची विचारणा करण्यासाठी आदित्यला फोन व मेसेज करून त्याचा पाठपुरवठा केला. पण आदित्यने कोणतेही उत्तर न देता त्याला जीवे मारण्याची धमकी दिली असल्याचे मौसिमने सांगितले. 

मौसिमने याबाबत वर्सोवा पोलीस स्टेशनमध्ये तक्रार दाखल केली आहे. याप्रकरणी पोलीस अधिक तपास करत आहेत.