Tha Kapil Sharma Show : चंदन प्रभाकर केवळ 1 एपिसोड करुन कपिल शर्माचा शो सोडतोय, दिले धक्कादायक कारण
Chandan Prabhakar Quits The Kapil Sharma Show: शोच्या पहिल्या भागात चंदूला पाहून प्रेक्षकांना आश्चर्य वाटले. कारण नुकतेच चंदन प्रभाकर याने जाहीर केले की त्याने शो सोडला आहे. अशा परिस्थितीत त्यांच्या सहभागाने लोकांना प्रश्न पडला आहे. आता स्वतः चंदन प्रभाकर याने याबद्दल बोलून शो सोडण्याचे कारण स्पष्ट केले आहे.
)
Chandan Prabhakar In The Kapil Sharma Show: टेलिव्हिजनचा सर्वात लोकप्रिय कॉमेडी शो 'द कपिल शर्मा शो' ने (Tha Kapil Sharma Show) पुन्हा एकदा नवीन सीझनसह जबरदस्त कमबॅक केले आहे. मात्र, यावेळी शोमध्ये चंदूचायवाला म्हणजेच चंदन प्रभाकरच्या (Chandan Prabhakar) नावाची बरीच बातमी आली होती. यावेळेस चंदन प्रभाकर शोमध्ये दिसणार नसल्याचं आधी सांगण्यात येत होतं, मात्र त्यानंतर त्याने शोच्या पहिल्या एपिसोडमध्ये हजेरी लावून सर्वांना आश्चर्यचकित केलं आहे.
असे टाकले गोंधळात
वास्तविक, शोच्या नवीन सीझनच्या पहिल्या एपिसोडमध्ये अक्षय कुमारने त्याच्या आगामी सिनेमा 'कठपुतली’ च्या प्रमोशनसाठी दिसला होता. गंमत म्हणजे या शोमध्ये चंदू उर्फ चंदन प्रभाकर (Chandan Prabhakar) देखील प्रेक्षकांना हसवताना दिसला होता. शोच्या पहिल्या एपिसोडमध्ये चंदूला पाहून प्रेक्षक आश्चर्यचकित झाले कारण अलीकडेच चंदन प्रभाकरने शो सोडल्याची घोषणा केली. अशा परिस्थितीत त्यांच्या उपस्थितीने लोक संभ्रमात पडले आहेत.
शो सोडण्याचे दिले हे कारण
चंदन प्रभाकर कपिल शर्मा (Kapil Sharma) याच्या जवळच्या मित्रांपैकी एक आहे. तो अनेक वर्षांपासून कपिलच्या शोचा भाग आहे. अशा परिस्थितीत त्याने अचानक शो सोडल्याने प्रेक्षकांना धक्का बसला. आता चंदननेच 'द कपिल शर्मा शो' सोडण्याचे खरे कारण सांगितले आहे. एका वृत्तपत्राशी बोलताना चंदन प्रभाकर (Chandan Prabhakar) म्हणाला, 'गेल्या पाच वर्षांपासून मी या शोचा भाग आहे. मी फक्त वेळेमुळे ब्रेक घेतला आहे. मला असे वाटते की जेव्हा तुम्ही दीर्घकाळ एखाद्या प्रकल्पाचा भाग असता तेव्हा विश्रांती घेणे आणि इतर गोष्टींवर लक्ष केंद्रित करणे आवश्यक होते. मी वेब शोमध्ये काम करण्यास उत्सुक आहे. याशिवाय मला माझ्या कुटुंबासोबत अधिक वेळ घालवायचा आहे.
दोघांमध्ये बिनसल्याचे वृत्त फेटाळून लावले
अभिनेता चंदन म्हणाला की, माझे आणि कपिलमध्ये मतभेद झालेले नाहीत. असे काहीही वृत्त नाही. मतभेदाचे त्याने वृत्तही फेटाळून लावले होते. रिपोर्टनुसार, कॉमेडियन म्हणाला, 'अनेक वेळा तुम्ही ठरवू शकत नाही की, तुम्हाला काय करायचे आहे. हा शो करण्याबाबत मला खात्री नव्हती. एक एपिसोड केल्यानंतर मी ब्रेक घ्यायचं ठरवलं. लोकांनी यातून दुसरा अर्थ काढू नये.