लॉरेन्स बिष्णोईंच्या धमक्यांनंतरही सलमान मैदानात! 'सिंघम अगेन'मधील कॅमिओ करणार शूट

Salman Khan In Singham Again: रोहित शेट्टीच्या 'सिंघम अगेन' या चित्रपटात सलमान खानच्या कॅमिओबद्दल गेल्या काही दिवसांपासून सोशल मीडियावर चर्चा सुरु आहे. अशातच आता सुपरस्टार या चित्रपटाचा भाग असणार हे निश्चित झाले आहे. अजय देवगनच्या 'सिंघम अगेन' या चित्रपटात सलमान खान 'चुलबुल पांडे'च्या भूमिकेत दिसणार आहे. चुलबुल पांडेच्या भूमिकेत सलमान खानचे हे अप्रतिम सहकार्य असेल जे चित्रपटात एक मनोरंजक ट्विस्ट आणेल. 

रोहित शेट्टीचा पोलिस विश्वात प्रवेश झाला आहे. हा क्रॉसओव्हर केवळ या दोन पात्रांना पहिल्यांदाच पडद्यावर आणणार नाही तर सिंघम फ्रँचायझीला एक नवा ट्विस्टही देईल. या चित्रपटात चुलबुल पांडेची भूमिका सलमान खानच करत नाही, तर अजय देवगन देखील निडर बाजीराव सिंघमच्या भूमिकेत परतत आहे.

सुरुवातीला भूमिका रद्द केली पण आता शूट होणार 

सलमान खान पुन्हा एकदा 'सिंघम अगेन' चित्रपटाच्या कॅमिओच्या शूटिंगसाठी रोहित शेट्टी आणि अजय देवगनला दिलेल्या वचन पूर्ण करत आहे.  तो 'द शो मस्ट गो ऑन' या शब्दावर तो ठाम आहे. लॉरेंस बिश्नोई टोळीकडून मिळालेल्या जीवे मारण्याच्या धमक्यांमुळे या चित्रपटातील सलमान खानचा कॅमिओ रद्द करण्यात आल्याची बातमी यापूर्वी आली होती. अजय देवगन आणि रोहित शेट्टी यांनी सलमान खानच्या सुरक्षेसाठी हा निर्णय घेतला होता. पण आता अशी बातमी समोर आली आहे की, सलमान खान हा कॅमिओ करणार आहे.

धमकीनंतरही सलमान करतोय काम

काळवीट शिकार प्रकरणात सलमान खानला लॉरेन्स बिश्नोई टोळीकडून सतत जीवे मारण्याची धमकी दिली जात आहे. काही दिवसांपूर्वीच सलमानच्या जवळच्या बाबा सिद्दिकीची गोळ्या झाडून हत्या करण्यात आली होती. या हत्येची जबाबदारी लॉरेंस बिश्नोई टोळीने घेतली होती. त्यानंतर सलमान खानच्या सुरक्षा कडक करण्यात आली आहे. मात्र, या सगळ्यात सलमान खानने आपले काम सोडलेले नाही. सध्या तो बिग बॉस 18 चे शूटिंग करत आहे. त्यासोबतच तो 'सिंघम अगेन' चित्रपटामध्ये कॅमिओ देखील करणार आहे.