घटस्फोटाची पोस्ट डिलीट करणाऱ्या समंथाला मिळाली आणखी एक संधी, यशस्वी ठरणार?

छाया सौजन्य- सोशल मीडिया

मुंबई : अभिनेत्री समंथा रुथ प्रभू (Samantha) हिनं 'पुष्पा' या अतिशय गाजणाऱ्या चित्रटातून आपी वेगळी छाप चाहत्यांच्या मनावर सोडली. चित्रपटात अवघ्या एका आयटम साँगपुरताच झळकलेली समंथा भलताच भाव खाऊन गेली. 

दरम्यानच तिच्या घटस्फोटाच्या अनेक चर्चा समोर आल्या. अभिनेता नागा चैतन्य याच्याशी आपलं वैवाहिक नातं संपवून समंथा बरीच पुढे आली. 

आपल्या कारकिर्दीवर लक्ष केंद्रीत करु लागली. पण, एकाएकी तिच्या सोशल मीडिया अकाऊंटवरुन घटस्फोटाती पोस्ट नाहीशी झाली आणि बऱ्याच चर्चांना वाव मिळाला. 

त्यातच कोणी म्हटलं की समंथाला नवी संधी मिळाली. आता संधी हा एक शब्द ऐकूनच अनेकांनी तिच्या वैवाहिक नात्याशी तर्क लावत या नात्यातील संधीबाबत वक्तव्य केली. 

पण, मुळात तिला मिळालेली ही संधी तिच्या कारकिर्दीशी निगडीत असल्याचं कळलं. 

सूत्रांच्या माहितीनुसार समंथा पुन्हा एकदा तिच्या रुपानं आणि अफलातून Dance नं सर्वांनाच थक्क करु शकते. 

अभिनेता विजय देवरकोंडा आणि अनन्या पांडे यांच्या भूमिका असणाऱ्या 'लायगर' या चित्रपटात तिची एका आयटम साँगसाठी वर्णी लागणार असल्याची चिन्हं आहेत. 

चित्रपटाचे दिग्दर्शक अशा चेहऱ्याच्या शोधात आहेत जो विजयसोबत रुपेरी पडदा गाजवेल. सध्या तरी यासाठी समंथाशी संपर्कही साधला गेल्याचं कळत आहे. 

समंथानं गाजवलेलं 'ओ अंतवा' हे गाणं पाहता तिची या चित्रपटासाठी वर्णी लागली तर ही तिच्या कारकिर्दीतील आणखी मोठी संधी ठरणार यात वाद नाही.