केस स्ट्रेटनिंग किंवा कलर करणे ठरु शकते ब्रेस्ट कॅन्सरचे कारण

नॅशनल इन्स्टिट्यूट ऑफ एन्व्हायर्नमेंटल हेल्थ सायन्सेसच्या अभ्यासानुसार, हेअर डाई आणि स्ट्रेटनरमध्ये फॉर्मल्डिहाइड, पॅराबेन्स, अमोनिया आणि इतर रसायने असतात, जी शरीरातील हार्मोनल संतुलन बिघडवू शकतात. ही रसायने दीर्घकाळ वापरल्याने हार्मोन्सवर विपरीत परिणाम होतो, ज्यामुळे कर्करोग होण्याचा धोका वाढतो.  

संशोधनात असेही दिसून आले आहे की नियमितपणे केस रंगवणाऱ्या महिलांमध्ये स्तनाच्या कर्करोगाचा धोका 9% ते 60% पर्यंत वाढतो. खास करुन गडद रंगाच्या डाई वापरणाऱ्या महिलांमध्ये हा धोका अधिक असतो.  

स्ट्रेटनरचा धोका काय आहे?
स्ट्रेटनरमध्ये असलेले रसायने शरीरात विषारी घटकांची पातळी वाढवतात. यामुळे पेशींमध्ये अनियंत्रित बदल होऊन कर्करोगाची शक्यता वाढते. याशिवाय, स्ट्रेटनरचा उष्णतेचा वारंवार वापर केल्याने डोक्यावरील त्वचा खराब होऊ शकते, ज्यामुळे रसायनांचा थेट परिणाम शरीरावर होतो.  

स्तनाच्या कर्करोगाचे इतर जोखीम घटक:
1.अनियमित जीवनशैली  
2.जंक फूडचे अतिसेवन  
3.मद्य आणि तंबाखूचे सेवन  
4.व्यायामाचा अभाव  
5.शरीरातील हार्मोन्समधील अनियमित बदल  

आरोग्याचे रक्षण कसे कराल?
1.हेअर डाई आणि स्ट्रेटनरचा वापर मर्यादित करा.  
2. नैसर्गिक रंगांचा पर्याय निवडा.  
3.केसांना रंग देण्यासाठी मेंदी किंवा हर्बल डाईचा वापर करा.  
4.संतुलित आहार घ्या, नियमित व्यायाम करा आणि तणाव टाळा.  
5.आरोग्य तपासणीसाठी डॉक्टरांचा सल्ला वेळोवेळी घ्या.  

तज्ज्ञांचे मत: 
तज्ज्ञांच्या मते, सौंदर्य उत्पादनांमध्ये असलेले रसायनांचा दीर्घकाळ वापर हार्मोन्सवर नकारात्मक परिणाम करतो, ज्यामुळे कर्करोगासारख्या गंभीर आजारांचा धोका वाढतो. त्यामुळे ग्रूमिंगसाठी नैसर्गिक आणि सुरक्षित पद्धतींचा वापर करणे आवश्यक आहे.  

सौंदर्य टिकवताना आरोग्य महत्त्वाचे आहे 
आरोग्य हीच खरी संपत्ती आहे. केसांना सुंदर बनवताना आरोग्यावर होणाऱ्या परिणामांकडे दुर्लक्ष करू नका. सौंदर्य टिकवण्यासाठी नैसर्गिक पर्याय निवडा आणि आरोग्याची काळजी घ्या. योग्य निर्णय घेतल्यास तुम्ही सौंदर्य आणि आरोग्य दोन्ही टिकवू शकता.

(Disclaimer -  वरील माहिती सामान्य संदर्भांवरून घेण्यात आली आहे. 'झी २४ तास' याची खातरजमा करत नाही.)