VIDEO : करणच्या K3G मधला 'तो' सीन काजोल आत्ता कसा करेल...
पाहा, काजोलचा क्युट अंदाज
)
मुंबई : बॉलिवूड अभिनत्री काजोल सध्या आपल्या नव्या 'हेलिकॉफ्टर ईला'मध्ये व्यस्त आहे. या सिनेमाच्या प्रमोशनसाठी काजोल एका रेडिओ कार्यक्रमात दाखल झाली होती. इथं गेल्यानंतर काजोलनं आपल्या जुन्या आठवणी ताज्या करत खुपच धम्माल केली. काजोलला १७ वर्षांपूर्वी प्रदर्शित झालेल्या 'कभी खुशी कभी गम' या सिनेमातील एका सीनमधला अभिनय करायला सांगण्यात आलं... तेव्हा तो सीन आठवून काजोलनं पुन्हा एकदा धम्माल आणलीय... तिनं आपला हा व्हिडिओ इन्स्टाग्राम अकाऊंटवरही शेअर केलाय.
'कभी खुशी कभी गम'मधला हा तो सीन आहे जिथं ती वेगवेगळे चेहरे बनवताना दिसत आहे. शाहरुख खान अमिताभ बच्चन यांच्यासोबत वाढदिवसाच्या पार्टीत असतो तेव्हाचा हा सीन आहे. याच दरम्यान पार्टीत काजोलकडून चुकून एका महागड्या फुलदाणीचं नुकसान होतं. त्यानंतर ती सिनेमात अमिताभ यांच्याकडे माफीही मागते... पण, या दरम्यान तिनं केलेल्या चेहऱ्यांच्या हावभाव प्रेक्षकांच्या आजही लक्षात आहेत.
याशिवाय काजोलनं आपला आणखीन एक व्हिडिओ इन्स्टाग्राम अकाऊंटवर शेअर केलाय. या व्हिडिओतही ती एका रेडिओ जॉकीसोबत मस्ती करताना दिसतेय.
काजोल 'व्हीआयपी - २ ललकार'मध्येही दिसली होती. या सिनेमात तिच्यासोबत साऊथ सुपरस्टार धनुषही दिसला होता. या सिनेमाचं दिग्दर्शन रजनीकांत यांनी केलं होतं. 'हेलिकॉप्टर ईला' या सिनेमात काजोल एका एकल आईच्या भूमिकेत दिसणार आहे. हा सिनेमा तिचा पती अजय देवगन प्रोड्युस करतोय.
LIVE