महेश भट्ट यांच्या निधनाच्या बातम्या व्हायरल होतात तेव्हा...

मुंबई : सोशल मीडियावर कधी काय व्हायरल होईल सांगता येणार नाही. त्यापैकी काही गोष्टी चांगल्या असतात तर काही वाईट एवढंच नाही तर सोशल मीडियावर अनेक अफवांच्या देखील चर्चा रंगत असतात. त्यात चर्चा जर बॉलिवूड सेलेब्रिटींबद्दल असतील तर त्या वाऱ्यासारख्या पसरतात. अशीच एक अफवा पसरली आहे ती प्रसिद्ध दिग्दर्शक महेश भट्ट यांच्याबद्दल. त्यांच्या निधनाच्या अफवा सध्या सोशल मीडियावर व्हायरल होत आहेत.

To the rumour mongers and the ones who called in a genuine state of panic upon hearing that my father @MaheshNBhatt had a heart attack and is dead,here is ample proof that he is his usual self,living dangerously and kicking! In red shoes no lesspic.twitter.com/iwxtvpfOSO

— Pooja Bhatt (@PoojaB1972) September 6, 2019

पण, त्यांची मुलगी पूजा भट्टने वडिलांचा एक फोटो पोस्ट करत पसरलेल्या अफवांना पूर्णविराम दिला आहे. महेश भट्ट यांचा फोटो शेअर करत तिने कॅप्शनमध्ये 'जो कोणी या अफवा पसरवत आहेत, किंवा कोणी माझ्या वडिलांसाठी चिंतीत आहेत. महेश भट्ट यांचे ह्रदय विकाराच्या झटक्याने निधन झाले आहे.  अशा अफवा सध्या पसरत आहेत. परंतू ते एकदम व्यवस्थित आहेत. त्यामुळे कोणत्याही अफवांवर विश्वास ठेवू नका.' असे लिहिले आहे. 

#CINTAA expresses it’s deepest condolence on the demise of Shri #MaheshBhatt
(Member since : March 1987)@sushant_says @DJariwalla @deepakqazir @amitbehl1 @SuneelSinha @ayubnasirkhan @sanjaymbhatia @NupurAlankar @rakufired @RajRomit @JhankalRavi pic.twitter.com/io4NwEEpe1

— CINTAA_Official (@CintaaOfficial) September 6, 2019

शुक्रवारी सिने अॅन्ड टीव्ही आर्टिस्ट असोसिएशनने गुजराती अभिनेता महेश भट्ट यांचा फोटो शेअर करत कॅप्शनमध्ये ''महेश भट्ट यांच्या निधनावर 'सिंटा' शोक प्रकट करत आहे.' त्यांचा या ट्विटनंतर सोशल मीडिया अफवा पसरल्या. 

महेश भट्ट सध्या त्यांचा आगामी चित्रपट 'सडक २'च्या चित्रीकरणात व्यस्त आहेत. या चित्रपटात त्यांच्या दोन मुली पूजा भट्ट आणि आलिया भट्ट एकत्र स्क्रिन शेअर करताना दिसणार आहेत. 'सडक २' २०२० मध्ये १० जुलैला प्रदर्शित होणार आहे.