close

बातमी थेट मेलबॉक्सलाकाही निवडक बातम्या थेट तुमच्या ईमेल बॉक्सला…

वजन, आरोग्याच्या समस्या दूर करते ग्रीन कॉफी

 ग्रीन कॉफी शरीरातील उर्जा टिकवून ठेवते आणि थकवा जाणवत नाही.

Updated: May 26, 2019, 06:26 PM IST
वजन, आरोग्याच्या समस्या दूर करते ग्रीन कॉफी

मुंबई : बदलत्या जीवनशैलीमुळे आजकाल स्थूलता, वजन वाढण्याचं तसंच लगेचच तब्येत खराब होण्याचं प्रमाण सतत वाढत आहे. अशात अनेक जण या समस्यांपासून बचाव करण्यासाठी काही ना काही उपाय करत असतात. परंतु त्याचा फारसा फायदा होत नसल्याचं दिसतं. सतत तब्येत बिघडणं किंवा शरीराला लागणाऱ्या उर्जा कमी होणं, सतत थकल्यासारखं वाटत राहणं अशा अनेक समस्या वाढत आहेत. वजन कमी करण्यासाठी अनेक लोक महागड्या औषधांचंही सेवन करतात. पण त्यामुळे फायदा होण्याऐवजी शरीरावर विपरित परिणाम होताना दिसतात. 

सतत वाढणारं वजन कमी होत नसल्यास किंवा सतत थकवा जाणवतं असल्याची समस्या असल्यास ग्रीन कॉफी पिण्यास सुरुवात करा. ग्रीन कॉफीचे चांगले परिणाम होताना दिसतात. ग्रीन कॉफीमध्ये असणारे तत्व केवळ वजन कमी करण्यासच नाही तर तब्येत सुधारण्यासही मदत करतात. 

ग्रीन कॉफीमध्ये असणारे मिनरल्स आणि अॅन्टीऑक्सिडेंट्स शरीरातील शुगर लेवल नियंत्रणात ठेवतात. ज्यामुळे इंन्फेक्शन आणि वजन वाढण्याची समस्याही दूर होते. जर कोणाला चहा किंवा कॉफी पिण्याची सवय असेल आणि ग्रीन कॉफी पिण्यास सुरुवात केली तर शरीराला नुकसान होण्याचा धोकाही कमी होतो.

ग्रीन कॉफीमध्ये क्रोनॉलोजीकल अॅसिड मोठ्या प्रमाणात असतं. त्यामुळे रोज ग्रीन कॉफी पिण्याने शरीरातील मेटाबॉलिज्म उत्तम राहतं. याच्या योग्य मात्रामुळे शरीरातील उर्जा टिकून राहते आणि थकवा जाणवत नाही.

मिनरल्स आणि विटॅमिन भरपूर असलेली ग्रीन कॉफी वजन नियंत्रणात ठेवण्यास मदत करते. ग्रीन कॉफीमुळे शरीरातील चरबी कमी होण्यास मदत होते. 

ग्रीन कॉफीमुळे कॅन्सरसारख्या गंभीर आजारांपासूनही बचाव करण्यास मदत होते. दररोज एक कप ग्रीन कॉफी पिण्याने शरीरात ट्यूमर तयार होण्याची शक्यता कमी होते.