Knee Pain : गुडघेदुखीचा त्रास आहे, हे 5 पदार्थ खाल्ल्याने मिळेल आराम

Foods To Reduce Knee Pain : सध्याच्या युगात गुडघेदुखीचा त्रास कोणत्याही वयात होऊ शकतो, मात्र साधारणपणे 40 वर्षांनंतर अशा समस्या दिसून येतात, काही वेळा दुखापतीमुळे गुडघेदुखीचा त्रास होतो. जर तुमच्या आहारात पोषक तत्वांची कमतरता असेल तर तुम्हालाही ही समस्या होऊ शकते. म्हणूनच आपल्या रोजच्या आहारात काही आरोग्यदायी पदार्थांचा समावेश करणे गरजेचे आहे.

गुडघेदुखी का होते?

जर तुमच्या शरीरात कॅल्शियम किंवा प्रोटीनची कमतरता सुरू झाली तर गुडघेदुखी होण्याची शक्यता लक्षणीय वाढते. काहीवेळा दुखण्यामुळे सूजही येते, अशा स्थितीत काय करावे आज आम्ही सांगणार आहोत.

गुडघेदुखी कमी करण्यासाठी हे पदार्थ खा

1. हिरव्या पालेभाज्या

कोबी आणि ब्रोकोली सारख्या हिरव्या पालेभाज्या खाल्ल्याने शरीरात सूज आणणारे एन्झाइम्स कमी होऊ लागतात. त्यामुळे हाडे मजबूत राहण्यासाठी रोजच्या आहारात या गोष्टींचा समावेश करा.

2. काजू

आरोग्य तज्ज्ञ अनेकदा नट खाण्याची शिफारस करतात कारण त्यात भरपूर जीवनसत्त्वे आणि प्रथिने असतात. त्यामुळे हाडे मजबूत होतात, म्हणूनच काजू खाल्ल्याने गुडघेदुखीपासून आराम मिळतो.

3. आले आणि हळद

आले आणि हळदीमध्ये दाहक-विरोधी गुणधर्म आहेत, म्हणूनच हे मसाले शतकानुशतके औषध म्हणून वापरले जात आहेत. गुडघेदुखीचा त्रास होत असेल तर या दोन गोष्टींचा आहारात नक्की समावेश करा. आले आणि हळद यांचा काढा जरी प्यायला तरी त्याचा चांगला परिणाम होतो.

4. फळे

काही फळे खाल्ल्याने गुडघेदुखी बरी होते. यामध्ये संत्री, स्ट्रॉबेरी आणि चेरी यांचा समावेश होतो, ज्यामध्ये व्हिटॅमिन सी आणि लायकोपीन सारखे पोषक घटक असतात, ज्यामुळे हाडांची सूज कमी होते.

5. दूध

व्हिटॅमिन डी आणि कॅल्शियम दूध आणि सर्व दुग्धजन्य पदार्थांमध्ये मुबलक प्रमाणात आढळतात, जे हाडांच्या मजबुतीसाठी फायदेशीर आहेत. लक्षात ठेवा दुधात जास्त फॅट नसावे अन्यथा वजन वाढू शकते.