'या' कर्मचाऱ्यांसाठी आनंदाची बातमी, 1 जुलैपासून अशी होणार पगारवाढ

नवी दिल्ली : केंद्र सरकारने आपल्या जवळपास 52 लाख केंद्रीय कर्मचाऱ्यांचा (Central Governments) डीए( Dearness Allowance) पूर्ववत करण्याची घोषणा केली आहे. दरम्यान पगारामध्ये याचा बदल दिसेल की नाही ? याबाबत केंद्रीय कर्मचार्‍यांमध्ये संभ्रम आहे. केंद्रीय कर्मचार्‍यांचे पगार वाढणार आहेत हे निश्चित असले तरी 1 जुलैपासून त्यांचा कसा फायदा होणार? हे समजून घेऊया.

1 जुलै 2021 पासून कर्मचार्‍यांना हे लाभ देण्यात येतील अशी घोषणा सरकारने आधीच केली आहे. यानंतर, केंद्रीय कर्मचार्‍यांचा डीए (महागाई भत्ता) 17% वरुन वाढून 28 % पर्यंत वाढेल.  ज्यामध्ये 3% आणि अपेक्षित 4% ची वाढ आहे. डीएमध्ये ही वाढ 1 जानेवारी 2021 पासून होणार आहे.

7th व्या वेतन आयोगाच्या (7th pay commission) नियमांनुसार कर्मचार्‍यांचे मूलभूत वेतन फिटमेंट फॅक्टरशी गुणले गेले आहे. हा फिटमेंट फॅक्टर 2.57 आहे. यामुळे शासकीय कर्मचार्‍यांचे मासिक वेतन वाढते. जरी त्यात भत्तेचा समावेश नाही.

पीएफ आणि ग्रॅच्युइटीमध्ये योगदानामध्ये बदल

पगाराच्या ब्रेकअपमध्ये महागाई भत्ता (DA), ट्रॅव्हल अ‍ॅलॉन्स (TA), घरभाडे भत्ता(HRA), वैद्यकीय प्रतिपूर्ती इत्यादींचा समावेश आहे. या वेतनात, थकीत थकबाकी असलेल्या डीएनंतर ट्रॅव्हलिंग अलावन्स (टीए) आणखी वाढेल. महागाई भत्त्यात वाढ झाल्याने मासिक भविष्य निर्वाह निधी (PF) आणि केंद्र सरकारच्या कर्मचार्‍यांच्या ग्रॅच्युईटी योगदनात बदल होईल.