सरकारच्या 'या' योजनेत 420 रुपये पैसे गुंतवा आणि विना रिस्क महिन्याला 10 हजार रुपये मिळवा

मुंबई : जर तुम्हीही सुरक्षित ठिकाणी कुठेतरी गुंतवणूक करण्याचा विचार करत असाल तर तुम्ही सरकारच्या अटल पेन्शन योजनेत (APY) पैसे गुंतवू शकता. अटल पेन्शन योजना 2015 मध्ये असंघटित क्षेत्रात काम करणाऱ्या लोकांसाठी सुरू करण्यात आली होती, परंतु या योजनेमध्ये 18 ते 40 वर्षे वयाचे कोणताही भारतीय नागरिक गुंतवणूक करू शकतात आणि पेन्शन घेऊ शकतात. या योजनेमध्ये ठेवीदारांना 60 वर्षांनंतर पेन्शन मिळू लागते.

अटल पेन्शन योजना काय आहे?

तुम्ही अटल पेन्शन योजनेत केलेली गुंतवणूक तुमच्या वयावर अवलंबून आहे. या योजनेंतर्गत किमान मासिक पेन्शन 1 हजार, 2 हजार, 3 हजार, 4 हजार आणि कमाल 5 हजार रुपये मिळू शकते. जर तुम्हाला या पेन्शन योजनेसाठी नोंदणी करायची असेल, तर तुमच्याकडे बचत खाते, आधार क्रमांक आणि मोबाईल क्रमांक असणे आवश्यक आहे.

कोणते फायदे मिळणार?

तुम्ही जितक्या लवकर अटल पेन्शन योजनेत सामील व्हाल तितके अधिक फायदे तुम्हाला मिळतील. जर एखादी व्यक्ती 18 वर्षांच्या वयात अटल पेन्शन योजनेत सामील झाली, तर त्या व्यक्तीला 60 वर्षांच्या वयानंतर प्रत्येक महिन्याला 5 हजार रुपये मासिक पेन्शनसाठी दरमहा 210 रुपये जमा करावे लागतील.

अशा प्रकारे तुम्हाला दरमहा 10 हजार रुपये मिळू शकतील

39 वर्षापेक्षा कमी वयाचे पती -पत्नी या योजनेत 420 रुपये जमा करून वयाच्या 60 वर्षांनंतर प्रत्येक महिन्याला स्वतंत्रपणे 10 हजार रुपये पेन्शन घेऊ शकतात.

या योजनेत, दरमहा 1 हजार रुपये मासिक पेन्शनसाठी दरमहा फक्त 42 रुपये जमा करावे लागतील. दुसरीकडे, 2 हजार रुपयांच्या पेन्शनसाठी 84 रुपये, 3 हजार रुपयांसाठी 126 रुपये आणि 4 हजार रुपयांच्या मासिक पेन्शनसाठी 168 रुपये दरमहा जमा करावे लागतील.

कर लाभ

अटल पेन्शन योजनेत गुंतवणूक करणाऱ्या लोकांना आयकर कायदा 80 सी अंतर्गत 1.5 लाख रुपयांपर्यंत कर लाभ मिळतो. यातून ग्राहकांचे करपात्र उत्पन्न वजा केले जाते. या व्यतिरिक्त, विशेष प्रकरणांमध्ये 50 हजार रुपयांपर्यंतचा अतिरिक्त कर लाभ उपलब्ध आहे. अशा प्रकारे, या योजनेमध्ये 2 लाख रुपयांपर्यंतची कपात उपलब्ध आहे.