Bajaj च्या सर्वात स्वस्त आणि लोकप्रिय बाईकचे उत्पादन बंद

मुंबई Most Affordable Bajaj Bike Pulled Off:: बजाजने कमी किमतीत आपली स्वस्त आणि ग्राहकांची आवडती बाइक बंद केली. बजाजने CT100 ही बाईक बंद केली आहे. कंपनीची ही बाईक कमी किमतीत उत्कृष्ट मायलेज देते आणि ग्राहकांच्या मागणीनुसार कंपनी ही बाईक पुन्हा नव्या स्वरुपात आणू शकते.

बजाज ऑटोने भारतातील त्यांची सर्वात स्वस्त बाईक CT100 बंद केली आहे. काही वर्षांपूर्वी, कंपनीने ती नवीन वैशिष्ट्ये आणि रंगांसह सादर केली आणि ती कंपनीच्या बाइक लाइन-अपमधील सर्वात स्वस्त बाइक ठरली. 

डीलरशिपने बाईकसाठी बुकिंग घेणे बंद केले आहे आणि बजाज CT100 देखील कंपनीच्या अधिकृत वेबसाइटवरून काढून टाकण्यात आले आहे. बाईकचे उत्पादनही बंद करण्यात आले आहे, यावरून कंपनीने या बाईकची विक्री बंद केल्याचे दिसून येते.

ही बाईक पुन्हा येऊ शकते

कंपनीने अद्याप ही माहिती अधिकृतपणे जाहीर केलेली नाही, तरीही ग्राहकांची मागणी लक्षात घेऊन बजाज ही बाईक भारतात परत आणू शकते. 

कमी किंमत आणि मजबूत मायलेजमुळे ही बाईक भारतात खूप पसंत केली जाते, ज्याची दिल्लीमध्ये एक्स-शोरूम किंमत 53,696 रुपये आहे. ही भारतातील सर्वात स्वस्त बाइक्सपैकी एक आहे आणि एका लिटर पेट्रोलमध्ये 60-70 किमी चालवता येते.

कमी किमतीत भरपूर फीचर्स

बजाज CT100 मध्ये 102 cc सिंगल-सिलेंडर, एअर-कूल्ड इंजिन आहे जे 7.79 bhp पॉवर आणि 8.34 Nm पीक टॉर्क बनवते. कंपनीने या इंजिनसोबत 4-स्पीड गिअरबॉक्स दिला आहे. बाईकच्या पुढील बाजूस टेलिस्कोपिक फॉर्क्ससह 17-इंच अलॉय व्हील आणि मागील बाजूस ड्युअल एसएनएस स्प्रिंग सस्पेंशन आहे.

कंपनीने आपल्या दोन्ही चाकांमध्ये ब्रेक ड्रम दिले आहेत. दैनंदिन वापरातील हीरो स्प्लेंडर प्लस सारख्या बाईकशी स्पर्धा करणारी ही बाईक भारतातील मध्यमवर्गीयांची पसंती आहे.