कामाची बातमी : रेल्वे प्रवासात सामान हरवले तर टेन्शन नको; Railwayची नवीन सुविधा

मुंबई : Indian Railways : रेल्वेत प्रवास करताना सामान चोरीला (Railway Passenger Luggage) जाण्याची भीती लोकांना असते. चोरी टाळण्यासाठी प्रवासी वेगवेगळ्या पद्धतींचा अवलंब करतात. रेल्वे नियमानुसार चोरीचा माल मिळत नसला तरी काही काळानंतर चोरीच्या मालाच्या किमतीएवढी भरपाई घेण्याचा अधिकार आहे. पण आता रेल्वेने आणखी एक नवा नियम (Railway's new facility) केला आहे, ज्यामध्ये तुमचे सामान हरवले तर तुम्हाला टेन्शन अजिबात घेण्याची गरज नाही.

आता पश्चिम रेल्वेने रेल्वे (Western Railway) संरक्षण दलाच्या (RPF) सहकार्याने 'मिशन अमानत' (Mission Amanat) सुरु केले आहे. या अभियानांतर्गत प्रवाशांना त्यांच्या हरवलेल्या सामानाचा शोध घेणे आणि ते परत मिळवणे सहज शक्य होणार आहे.

या नियमांतर्गत प्रवाशांच्या सामानासह त्यांच्या सुरक्षिततेचाही निर्णय घेतला जात आहे. हरवलेले सामान परत मिळणे सोपे व्हावे यासाठी पश्चिम रेल्वेच्या आरपीएफने पुढाकार घेतला असल्याची माहिती पश्चिम रेल्वेच्यावतीने ट्विट करुन देण्यात आली.

'मिशन अमानत' अंतर्गत हरवलेल्या सामानाचा तपशील छायाचित्रांसह पश्चिम रेल्वेच्या वेबसाइटवर पोस्ट केला जातो. यासह, प्रवाशांना आरपीएफ वेबसाइट http://wr.indianrailways.gov.in वर फोटोसह हरवलेल्या सामानाचा तपशील पाहता येईल.

पश्चिम रेल्वेच्या एका अधिकाऱ्याने सांगितले की, 2021 मध्ये, जानेवारी ते डिसेंबर या कालावधीत, पश्चिम रेल्वे विभागाच्या रेल्वे संरक्षण दलाने 1,317 रेल्वे प्रवाशांकडून 2.58 कोटी रुपयांचा माल जप्त केला. पडताळणी केल्यानंतर माल त्यांच्या मूळ मालकांच्या ताब्यात देण्यात आला.

पश्चिम रेल्वे आरपीएफ 'मिशन अमानत' (Mission Amanat) अंतर्गत 24 तास काम करते. दुसर्‍या ट्विटमध्ये पश्चिम रेल्वेने म्हटले आहे की, एप्रिल 2021 ते डिसेंबर 2021 या कालावधीत तिकिटांशिवाय प्रवास करणाऱ्या प्रवाशांकडून 68 कोटी रुपये वसूल करण्यात आले आहेत.