Gold Silver Price : सोन्या-चांदीच्या दरात आज मोठी घसरण, 10 ग्रॅम सोन्याचा दर

मुंबई : सोने आणि चांदीच्या दरात मोठी घसरण पाहायला मिळत आहे. (Gold Silver Price fall) मल्टी कमोडिटी एक्सचेंज (MCX) वर सोन्याच्या वायद्यात 0.6% टक्क्यांनी घसरण झाली असून 10 ग्रॅम सोन्याचा दर 46,377 रुपये आहे. चांदीची किंमत गुरूवारी चांगलीच घसरली आहे. चांदी 1% घसरण झाली असून सोन्याच्या दरातही मोठी घसरण झाली आहे. 

अमेरिकन फेडरल रिझर्व्हने मासिक रोख्यांची खरेदी सुलभ करण्याचे संकेत दिल्यानंतर जागतिक बाजारात आज सोन्याच्या किमती कमी झाल्या. स्पॉट सोने 0.3% घसरून 1,762.33 डॉलर प्रति औंसवर होते. डॉलर निर्देशांक एक महिन्याच्या उच्चांकावर बंद झाला.

तुमच्या शहरातील सोन्या-चांदीचे दर 

गुड रिटर्न्स वेबसाइटनुसार, भारतात गुरुवारी 24 कॅरेट सोन्याची विक्री 46,360 रुपये प्रति दहा ग्रॅम (23 सप्टेंबर रोजी सोन्याचा दर) झाली आहे. चांदी कालच्या व्यवहारिक किमतीपेक्षा 1,100 रुपयांच्या वाढीसह 60,900 रुपये प्रति किलोवर विकत आहे. नवी दिल्ली आणि मुंबईमध्ये 22 कॅरेट सोने अनुक्रमे 46,000 आणि 45,360 रुपये प्रति 10 ग्रॅमला विकले जात आहे. वेबसाइटनुसार, पिवळी धातू चेन्नईमध्ये 44,110 रुपयांना विकली जात आहे. त्याचबरोबर दिल्लीमध्ये 24 कॅरेट सोने 50,180 रुपये प्रति 10 ग्रॅम आणि मुंबईत 46,360 रुपये प्रति 10 ग्रॅमला विकले जात आहे.

गुंतवणूकीची हीच योग्य वेळ 

तज्ञांच्या मते, MCX वर सोने 46800-47055 च्या दरम्यान राहू शकते. दुसरीकडे, चांदी 61000-61400 च्या पातळीवर राहण्याची शक्यता आहे. 61200 च्या उद्दिष्टासाठी 59400 च्या स्टॉप लॉससह तज्ञ 59,900 च्या जवळ चांदी खरेदी करण्याचे सुचवत आहेत. त्याचबरोबर बाजारातील तज्ज्ञांच्या मते, सोन्यात गुंतवणूक करण्याची ही योग्य वेळ आहे.

मिस कॉल्ड देऊन जाणून घ्या सोन्याचा दर 

तुम्ही घरी बसून सोन्याचा दर सहज शोधू शकता. यासाठी तुम्हाला फक्त 8955664433 या क्रमांकावर मिस्ड कॉल द्यावा लागेल आणि तुमच्या फोनवर एक मेसेज येईल, ज्यामध्ये तुम्ही लेटेस्ट दर तपासू शकता.