परदेशात जाणाऱ्या लोकांसाठी महत्वाची बातमी! पासपोर्टचे नियम बदलले, जाणून घ्या संपूर्ण प्रक्रिया

संग्रहित छाया

मुंबई :  Passport New Rules :जागतिक कोरोना साथीने भारतासह जगातील अनेक देशांमध्ये उद्रेक माजवला आहे. तथापि, आता कोरोनाचा संसर्ग हळूहळू कमी होत असल्याने आयुष्याची गाडी रुळावर येत आहे. लोक देश -विदेशात फिरायला जात आहेत. काही देशांमध्ये अजूनही प्रवेश उपलब्ध नसला तरी काही देशांनी अटी घालत पर्यटकांसाठी त्यांच्या आंतरराष्ट्रीय सीमा खुल्या केल्या आहेत. अनेक देशांनी कोविड लस प्रमाणपत्र अनिवार्य केले आहे. (Here's how you can link your passport with COVID-19 vaccine certificate)

जर तुम्ही परदेशात जाण्याचा विचार करत असाल तर तुम्हाला तुमच्या कोरोना लसीचे प्रमाणपत्र तुमच्या पासपोर्टशी जोडावे लागेल. तुम्ही तुमचे कोविड लसीकरण प्रमाणपत्र तुमच्या पासपोर्टशी कसे जोडू शकता हे जाणून घ्या.

कोविड प्रमाणपत्र अनिवार्य  

तुम्ही तुमच्या पासपोर्टशी कोरोना प्रमाणपत्र ताबडतोब लिंक करा. जेणेकरून तुम्हाला परदेश जाण्यासाठी किंवा प्रवासासाठी कोणतीही अडचण येणार नाही. जर तुम्ही कोरोना लसीचे दोन्ही डोस घेतले असतील, तर तुम्ही काही स्टेप्स पाळून तुमच्या पासपोर्टशी तुमच्या कोरोना लसीचे प्रमाणपत्र सहज जोडू शकता.

ही आहे संपूर्ण प्रक्रिया  

यासाठी, आपण प्रथम Cowin च्या अधिकृत वेबसाइट www.cowin.in ला भेट दिली पाहिजे.
लॉग इन केल्यानंतर तुम्हाला होम पेजवरील सपोर्ट पर्यायावर क्लिक करावे लागेल.

सपोर्ट ऑप्शनवर क्लिक केल्यानंतर तुम्हाला येथे तीन पर्याय मिळतील. आता  'certificate corrections' वर क्लिक करा.

येथे क्लिक केल्यानंतर, तुम्हाला तुमच्या लसीकरणाची स्थिती दिसेल. आता 'Raise an issue' पर्यायावर क्लिक करा.

Raise an Issue वर क्लिक केल्यानंतर तुम्ही पासपोर्ट तपशील जोडण्यासाठी क्लिक करा.

यानंतर, ज्या व्यक्तीचा पासपोर्ट तुम्हाला लसीकरणाचा तपशील जोडायचा आहे त्याचे नाव आणि पासपोर्ट क्रमांक भरा.

एकदा आपण तपशील सबमिट केल्यानंतर, आपल्याला आपल्या नोंदणीकृत क्रमांकावर एक संदेश मिळेल.

यानंतर, तुम्ही तुमचे लस प्रमाणपत्र कोविन अॅपवरून डाउनलोड करू शकता.

यामध्ये तुमचा पासपोर्ट तपशील अपडेट केला जाईल.

कोविन प्रमाणपत्र

आता तुमचे कोविन प्रमाणपत्र आता आंतरराष्ट्रीय स्वरूपावर आधारित असेल. हे स्वरूप जागतिक प्रवाशांसाठी जागतिक आरोग्य संघटनेने (WHO) निर्धारित केलेल्या मानकांवर आधारित असेल. हे नवीन वैशिष्ट्य आणि जन्मतारीख आंतरराष्ट्रीय प्रवाशांसाठी सेट केलेल्या WHO मानकांनुसार YY-MM-DD स्वरूपात असेल.