Housewife घरुनच करु शकतात ही 10 कामे, काही तासात मिळेल चांगली कमाई

मुंबई : गृहिणी घरच्या कामात इतके व्यस्त असतात की त्यांना स्वत:साठी वेळ काढणं कठीण असतं. पण तरी देखील ते सर्व काही मॅनेज करत असतात. घराची आर्थिक बाजु कमकुवत असताना त्यांना काम करण्याची इच्छा असते. पण घरची जबाबदारी असल्याने त्यांना बाहेप पडता येत नाही. पण घरुन देखील त्या अनेक कामे करु शकतात. चला तर मग जाणून घेऊया कोणकोणते पर्याय उपलब्ध आहेत. (Housewife Homemaker Work From Home)

संधी अनेक आहेत पण त्या योग्य वेळी कळाल्या पाहिजेत. घरात राहणाऱ्या महिला काही तास काम (Work From Home For Housewife) करून हजारो रुपये सहज कमवू शकतात. यासाठी घराबाहेर पडण्याचीही गरज नाही. (Work from Home options for womens)

1. टिफिन सेवा

वाढत्या शहरीकरणामुळे घरगुती खाद्यपदार्थांची मागणी झपाट्याने वाढली आहे. गृहिणी टिफिन सेवा देऊन भरपूर कमाई करू शकतात. तुम्ही या कामामुळे चांगली कमाई करु शकतात. सुरुवातीला हे काम थोडे अवघड असेल, पण जसजशी संख्या वाढत जाईल तसतशी कमाई वाढत जाईल.

2. ब्युटी पार्लर

ब्युटी पार्लरचे काम झपाट्याने वाढले आहे. अशा परिस्थितीत तुम्ही घरामध्ये ब्युटी पार्लरचे काम सुरू करू शकता. जर तुम्हाला ब्युटी पार्लरचे काम माहित नसेल तर काही महिन्यात तुम्ही ते शिकू शकता. लग्नाच्या मोसमात ब्युटी पार्लरमधून चांगले पैसे कमावता येतात.

3. संगणक शिकवणी

जर तुम्हाला कॉम्प्युटरचे चांगले ज्ञान असेल तर तुम्ही लोकांना कॉम्प्युटर शिकवण्याचे काम करू शकता. मोठ्या शहरांव्यतिरिक्त, हे काम लहान आणि शहरांमध्ये देखील केले जाऊ शकते. संगणकाची वाढती गरज लक्षात घेऊन सर्व वयोगटातील लोक संगणक शिकत आहेत.

4. योगा वर्ग

योगासने करणे आणि शिकणे याला सध्या खूप मागणी आहे. बदलत्या जीवनशैलीमुळे लोक त्यांच्या आरोग्याकडे अधिक लक्ष देऊ लागले आहेत. तुम्हालाही योगाबद्दल चांगले ज्ञान असेल तर तुम्ही लोकांना योगा शिकवू शकता. हे काम करण्यासाठी तुम्ही कोणतेही केंद्र उघडले पाहिजे असे नाही. हे काम तुम्ही तुमच्या घरातून सुरू करू शकता. तुम्ही ऑनलाइन योगाचे वर्ग करूनही पैसे कमवू शकता.

5. शिकवणी

तुम्ही सुशिक्षित असाल आणि शिकवण्याची आवड असेल तर घरी बसून शिकवणी वर्ग घेऊन चांगले काम करू शकता. तुमच्या आजूबाजूच्या मुलांना दिवसाचे 3 ते 4 तास शिकवून तुम्ही एका महिन्यात हजारो रुपये कमवू शकता. कोरोना नंतर तुम्ही हे काम ऑनलाईन देखील करू शकता.

6. बांगडी व्यवसाय

गृहिणी बांगड्यांचा व्यवसाय सुरू करू शकतात. बांगड्यांची मागणी शहरानुसार वेगवेगळी असते. खेड्यापाड्यात बांगड्यांची दुकाने फारशी नसल्यामुळे तेथील महिलांना बांगड्या घेण्यासाठी शहरात जावे लागते, त्यामुळे त्यांचा बराच वेळ वाया जातो.

7. फ्रीलांसिंग लेखन

ऑफिसमध्ये आठ तास काम केल्यावरच पैसे मिळतीलच असे नाही. जर तुम्हाला लिहिता-वाचता येत असेल तर तुम्ही घरबसल्या कमाई करू शकता. वेबसाइट, वृत्तपत्र किंवा सामग्री कंपनीसाठी तुम्ही घरी बसून लेख लिहू शकता. याशिवाय तुम्ही भाषांतराचे कामही करू शकता.

8. शिवणकाम

जर तुम्ही शिवणकाम करत असाल तर महिलांसाठी पैसे कमवण्याचा हा सर्वोत्तम मार्ग आहे. सूट, कुर्ती, ब्लाउज असे विविध प्रकारचे कपडे शिवून तुम्ही चांगले पैसे कमवू शकता. लोकांना शिवणकाम शिकवून तुम्ही भरपूर पैसे कमवू शकता.

9. YouTuber

जर तुम्ही कॅमेरा फ्रेंडली असाल, कोणत्याही गोष्टीचे चांगले ज्ञान असल्यास किंवा कोणत्याही विषयावर सतत मनोरंजक व्हिडिओ बनवू शकत असाल, तर पैसे कमवण्याचा हा मार्ग देखील खूप चांगला आहे. आजकाल ते खूप प्रसिद्ध होत आहे. विविध विषयांवर युट्युब व्हिडीओ बनवून दरमहा हजारो रुपये कमावणाऱ्या अनेक महिला आहेत.

10. ऑनलाइन सर्वेक्षण

अलीकडच्या काळात, ऑनलाइन सर्वेक्षण नोकऱ्यांची मागणी खूप वेगाने वाढत आहे. या नोकरीचे सर्वात चांगले वैशिष्ट्य म्हणजे या सर्वेक्षणासाठी तुम्हाला कोणतीही गुंतवणूक करण्याची गरज नाही आणि कंपनी चांगली रक्कम देते.