संजय रॉयच्या 9 गोष्टी ठरल्या महत्त्वाचे पुरावे, डॉक्टरसोबत केलेल्या कृत्याची देतात साक्ष

CBI Investigation Kolkata Rape Murder Case: महिला डॉक्टर बलात्कार आणि हत्या या घटनेमुळे आज कोलकातामध्ये प्रचंड खळबळ उडाली आहे. एकीकडे मुख्य आरोपी संजय रॉयची पॉलीग्राफ चाचणी झाली आहे. सीबीआय टीम आणि एक्सपर्टने प्रेसिडेंसी कारागृहात पॉलिग्राफ चाचणी करण्यात आली. जवळपास चार तास ही चाचणी सुरु होती. या चाचणीसह आरोपी संजय रॉय जवळच्या 9 गोष्टी जप्त करण्यात आल्या. 

9 गोष्टी देतात कृत्याची साक्ष 

सीबीआयच्या तपासात समाविष्ट असलेल्या या वस्तूंमध्ये गुन्ह्यादरम्यान घातलेले कपडे, अंडरगारमेंट्स आणि चप्पल यांचा समावेश आहे. या यादीमध्ये फोन टॉवरच्या स्थानासह अनेक महत्त्वाचे डिजिटल पुरावे देखील समाविष्ट आहेत. 9 ऑगस्ट रोजी रुग्णालयाच्या सेमिनार हॉलमध्ये घडलेल्या या क्रूरतेच्या वेळी मुख्य आरोपी संजय रॉय हा घटनास्थळी उपस्थित असल्याचे यावरून दिसून येते. पुरावा म्हणून संजय रॉय यांची दुचाकी आणि हेल्मेटही जप्त करण्यात आले आहे.

TOI च्या वृत्तानुसार, CBI सूत्रांनी शनिवारी सांगितले की, येत्या काही दिवसांत येणारे फॉरेन्सिक अहवाल या खटल्यासाठी महत्त्वाचे पुरावे असतील. राज्य न्यायवैद्यक विज्ञान प्रयोगशाळेने 9 ऑगस्ट रोजी रात्री 8.30 ते 10.45 दरम्यान गुन्ह्याच्या ठिकाणाहून गोळा केलेले 40 पुरावे विशेषतः महत्वाचे आहेत. डॉक्टरांसह स्थानिक साक्षीदारांच्या उपस्थितीत संपूर्ण प्रक्रिया व्हिडिओवर रेकॉर्ड करण्यात आली.

फोन डाटा अतिशय महत्त्वाचा 

संजय रॉयच्या क्लोन केलेल्या मोबाईल फोनमधून काढलेला डेटा हा देखील एक महत्त्वाचा पुरावा आहे, जो न्यायदंडाधिकारी यांच्या देखरेखीखाली तज्ज्ञांकडून न्यायालयात आणला जाईल. याशिवाय रुग्णालयाच्या खोली क्रमांक 8 आणि खोली क्रमांक 16 या दोन खोल्यांमधील सीसीटीव्ही फुटेजमध्ये संजय रॉयलाही आवारात दिसत आहे, जे या खटल्यात पुरावे म्हणून सादर केले जाणार आहेत.

बोटांवर आणि पायांवर निशाण 

सीबीआयच्या सायंटिफिक विंगच्या एक्सपर्टने गुन्ह्याच्या ठिकाणाहून बोटांचे ठसे आणि पायाचे ठसे गोळा केले आहेत. याशिवाय संजय रॉय यांच्या वैद्यकीय अहवालात त्यांच्या डाव्या गालावर, डाव्या हातावर आणि डाव्या मांडीच्या मागच्या भागावर झालेल्या जखमांचा तपशील आहे. या घटनेत संजय रॉय यांना या जखमा झाल्याचं सांगण्यात येत आहे. सीबीआय हा अहवालही महत्त्वाचा पुरावा म्हणून सादर करू शकते. यासोबतच संजय रॉय यांच्या रक्ताचा नमुना गुन्ह्याच्या ठिकाणी सापडलेल्या रक्तात मिसळण्यासाठी घेण्यात आला. त्याचे अहवाल फॉरेन्सिक विश्लेषणासाठीही महत्त्वाचे ठरतील.

8-9 ऑगस्टच्या रात्री काय घडलं?

8 ऑगस्ट आणि 9 ऑगस्टच्या रात्री कोलकाता येथील आरजी कार मेडिकल कॉलेज आणि हॉस्पिटलच्या सेमिनार हॉलमध्ये एका महिला डॉक्टरवर बलात्कार करून तिची हत्या करण्यात आली होती. दुसऱ्या दिवशी सकाळी प्रशिक्षणार्थी डॉक्टरचा मृतदेह सेमिनार हॉलमध्ये आढळून आला. मृतदेह सापडण्याच्या काही तास आधी, ती 36 तासांच्या शिफ्टनंतर विश्रांतीसाठी हॉलमध्ये गेली होती. त्याच्या शवविच्छेदनात 16 बाह्य आणि 9 अंतर्गत जखमा आढळल्या. सीसीटीव्ही फुटेजच्या विश्लेषणात असे दिसून आले की, संजय रॉय 9 ऑगस्टला पहाटे 4.03 वाजता इमारतीत घुसला. 8 ऑगस्ट रोजी, तो चेस्ट डिपार्टमेंडमध्ये गेल्याचं कॅमेऱ्यात तो पीडित डॉक्टर आणि इतर लोकांकडे पाहत होता.