1 March 2024: नव्या महिन्याला सुरुवात; GST पासून फास्टॅगपर्यंतचे 'हे' नियम बदलणार

Changes From 1 March 2024: आजपासून नवीन महिन्याला सुरुवात झालेली आहे. आज महिन्याची एक तारीख असून प्रत्येक महिन्याला वेग-वेगळे बदल होताना दिसतात. मार्च सुरू होताच, अनेक मोठे बदल दिसून येतील ज्याचा थेट परिणाम तुमच्या खिशावर होणार आहे. मार्च महिना विशेष आहे कारण हा आर्थिक वर्षाचा शेवटचा महिना आहे, त्यामुळे प्रत्येकाला पैशाशी संबंधित अनेक कामे पूर्ण करावी लागतात. यावेळी जीएसटी नियमांपासून एलपीजी आणि फास्टॅगमध्ये अनेक बदल पाहायला मिळतील.

जाणून घेऊया 1 मार्चपासून आपल्याला कोण-कोणत्या बदलांना सामोरं जावं लागणार आहे. 

बँक हॉलिडे लिस्ट

मार्च महिना सुरु झाला असून या महिन्यात अनेक मोठे सण येतात. या महिन्यात एकूण 14 दिवस बँका बंद राहणार आहेत. त्यामुळे कोणत्याही कामासाठी शाखेत जाण्यापूर्वी सुट्ट्यांची यादी जरूर पाहा.

एलपीजीच्या किंमतींमध्ये होणार बदल 

सरकारी तेल कंपन्यांकडून दर महिन्याच्या पहिल्या दिवशी गॅसच्या किमतींचा आढावा घेतला जातो. त्यानुसार व्यावसायिक गॅस सिलिंडरच्या किमती प्रत्येक महिन्याच्या 1 तारखेला बदलल्या जातात.

GST च्या नियम रद्द?

सरकारकडून जीएसटीचे नियम बदलले जाणार आहेत. आतापासून 5 कोटी रुपयांपेक्षा जास्त व्यवसाय करणाऱ्यांना ई-चलानशिवाय ई-वे बिल तयार करता येणार नाही. हा नियम 1 मार्चपासून म्हणजेच आजपासून लागू होणार आहे.

फास्टॅग ई-केवायसी

फास्टॅगचे E-KYC अपडेट करण्याचा आज शेवटचा दिवस आहे. १ मार्चपासून तुमचे केवायसी अपडेट न केल्यास, फास्टॅग NHAI द्वारे निष्क्रिय करण्यात येणार आहे. यामुळे तुम्हाला ब्लॅक लिस्टमध्ये टाकलं जाऊ शकतं.

क्रेडिट कार्डच्या नियमांमध्ये बदल

याशिवाय SBI ने क्रेडिट कार्डच्या नियमांमध्ये मोठे बदल करण्याचा निर्णय घेतला आहे. बँकेने आपल्या मिनिमम डे बिल मोजण्याचे नियम बदलण्याचा निर्णय घेतला आहे. हे नियम 15 मार्चपासून बदलणार आहेत.