उद्यापासून पुन्हा सुरु होणार e-Catering, ऑनलाईन ऑर्डर करा जेवण

नवी दिल्ली : रेल्वे प्रवाशांसाठी एक आनंदाची बातमी समोर येतेय. १ फेब्रुवारीपासून ट्रेनमध्ये e-catering सेवा पुन्हा सुरु होणार आहे. IRCTC ने ट्टवीट करुन यासंदर्भात माहिती दिली. निवडक स्थानकांवर ही सुविधा सुरु असणार आहे. कोरोना संकटामुळे मागच्या वर्षी मार्चपासून e-catering सुविधा बंद करण्यात आली होती. यामुळे प्रवाशांना फार अडचणीचा सामना करावा लागत होता. आता देशभरात कोरोना लसीकरण सुरु झाल्यानंतर IRCTC ने e-catering सुविधा सुरु केली आहे. 

भारतीय रेल द्वारा COVID संकट के दौरान बंद की गयी ई-केटरिंग सेवा को अब चुनिंदा स्टेशनों पर 1 फरवरी से पुनः शुरू करने जा रही है।

सुरक्षा संबंधी सभी नियमों का पालन करते हुए यह सेवा शुरु की जायेगी, जिससे यात्रियों के लिए बेहतर एवं मनपसंद खानपान की व्यवस्था उपलब्ध होगी। pic.twitter.com/hZ0JFyJhP4

— Ministry of Railways (@RailMinIndia) January 30, 2021

कोणत्याही प्रकारचे नुकसान होऊ नये म्हणून सुरक्षेसंदर्भात नियमांचे पालन करत ही सेवा सुरु केली जाणार आहे.

e-catering साठी गाईडलाईन्स 

e-catering संदर्भात सर्व कर्मचार्यांना कोविड १९ च्या नियमांचे पालन करावे लागणार आहे. जेवण बनवताना स्वच्छतेची पूर्ण काळजी घ्यावी लागणार आहे. जे लोक काही कारणामुळे स्वत:च्या घरुन जेवण आणू शकत नाहीत अशांसाठी ही सुविधा असते. तसेच प्रवाशांना घरुन जेवण आणण्यावर कोणत्याही प्रकारची बंदी नसणार आहे. 

प्रवासादरम्यान अनेकदा जेवणासंदर्भात अडचणी येतात. आता  e-catering सुविधा सुरु झाल्यानंतर  IRCTC च्या अधिकृत वेबसाईटवर तुम्ही बुकींग करु शकता. प्रवाशांना आपला पीएनआर नंबर, ट्रेन नंबर, सीट नंबरसारखी महत्वाची माहिती द्यावी लागणार आहे.