17 Nov 2024, 08:25 वाजता
शिवसेनाप्रमुखांच्या स्मृतिदिनानिमित्त शिवतीर्थावर यंत्रणा सज्ज
हिंदुहृदयसम्राट शिवसेनाप्रमुख बाळासाहेब ठाकरे यांच्या स्मृतिदिनानिमित्त रविवार, 17 नोव्हेंबर रोजी शिवतीर्थावर स्मृतिस्थळाच्या दर्शनासाठी देशभरातून मोठ्या प्रमाणात शिवसैनिक आणि सामान्य जनता शिवतीर्थावर येणार असल्यामुळे मुंबई महानगरपालिका, पोलीस तसेच शिवसैनिकांची व्यवस्थापन यंत्रणा सज्ज झाली आहे. दर्शनार्थीसाठी मुंबई पोलिसांकडून पुढीलप्रमाणे सूचना करण्यात आल्या असल्याची माहिती शिवसेना मध्यवर्ती कार्यालयातून प्रसिद्धीस दिलेल्या पत्रकात नमूद आहे.
17 Nov 2024, 08:21 वाजता
गडकरींची रोहित पवारांच्या मतदारसंघात जाहीर सभा
केंद्रीय रस्ते वाहतूक मंत्री नितीन गडकरींच्या आज मुंबईत 2 तर ठाण्यात 2 जाहीर सभा घेणार आहेत. त्यापूर्वी कर्जत-जामखेडमध्ये गडकरी यांची भाजप उमेदवार राम शिंदे यांच्यासाठी सकाळी 11 वाजता सभा होणार आहे. हा रोहित पवारांचा मतदारसंघ आहे.
17 Nov 2024, 08:21 वाजता
महाविकास आघाडीची आज बीकेसीत सभा; उद्धव ठाकरे, शरद पवारांची तोफ धडाडणार
विधानसभा निवडणुकीच्या पार्श्वभूमीवर राज्यात ठिकठिकाणी होणाऱ्या महाविकास आघाडीच्या नेत्यांच्या सभांना चांगला प्रतिसाद मिळत आहे. याच पार्श्वभूमीवर महाविकास आघाडीच्या प्रचाराची सांगता सभा आज वांद्रे-कुर्ला कॉम्प्लेक्समध्ये सायंकाळी 5.30 वाजता होत आहे. या सभेत शिवसेना पक्षप्रमुख उद्धव ठाकरे यांची तोफ धडाडणार असून राष्ट्रवादीचे नेते शरद पवार, काँग्रेस प्रदेशाध्यक्ष नाना पटोले यांचीी भाषणं या सभेत होणार आहेत. महाविकास आघाडीकडून 'महायुतीच सरकार चले जाव'चा इशारा दिला जाणार आहे.
17 Nov 2024, 08:18 वाजता
उद्धव ठाकरे यांची पाटण येथे सभा
सकाळी 11 वाजता पाटण येथे उध्दव ठाकरे यांची पक्षाचे उमेदवार हर्षल कदम यांच्या प्रचारार्थ सभा आयोजित करण्यात आली आहे.
17 Nov 2024, 08:18 वाजता
शरद पवार आज घेणार 'या' उमेदवारांसाठी सभा
शरद पवारांची सासवड येथे काँग्रेसचे उमेदवार संजय जगताप, दौंड येथे रमेश थोरात आणि इंदापूर तालुक्यातील सणसर येथे हर्षवर्धन पाटील यांच्या प्रचारार्थ जाहीर सभा होणार आहे. माढा विधानसभा प्रचारासाठी शरद पवार यांची टेंभुर्णी येथे दुपारी बारा वाजता सभा होणार आहे.
17 Nov 2024, 08:16 वाजता
अजित पवारांच्या गावांना भेटी आणि दोन सभा
उपमुख्यमंत्री अजित पवार सकाळी बारामती तालुक्यातील माळेगाव आणि पणदरे गावांचा दौरा करणार आहेत. त्यानंतर शिरूर हवेली येथे सकाळी 11 वाजता न्हावरेमध्ये जाहीर सभेला अजित पवार संबोधित करतील. सायंकाळी पाच वाजता अजित पवारांची फलटणमध्ये जाहीर सभा आहे.
17 Nov 2024, 08:15 वाजता
फडणवीसांचा भरगच्च कार्यक्रम
उपमुख्यमंत्री देवेंद्र फडणवीस आज चार सभा घेणार आहेत. त्याचा तपशील खालीलप्रमाणे:
सकाळी 9 वाजता : प्रचार रॅली, एकात्मता नगर, जयताळा बाजार चौक, नागपूर (दक्षिण-पश्चिम नागपूर)
दुपारी 2.45 वाजता : जाहीर सभा, कृषी उत्पन्न बाजार समिती, चांदवड, जिल्हा नाशिक (चांदवड विधानसभा)
दुपारी 4.30 वाजता : जाहीर सभा, अनंत कान्हेरे गोल्फ क्लब मैदान, नशिक (नाशिक पूर्व, नाशिक मध्य आणि नाशिक पश्चिम विधानसभा)
सायं. 7.45 वाजता : जाहीर सभा, थोरात चौक इचलकरंजी (इचलकरंजी विधानसभा)
या शिवाय फडणवीस आज सकाळी साडेनऊच्या सुमारास दक्षिण-पश्चिम नागपूर विधानसभा मतदारसंघात रोड शोमध्ये सहभागी होतील.
17 Nov 2024, 08:13 वाजता
मुख्यमंत्री शिंदेंच्या आज दोन सभा
मुख्यमंत्री एकनाथ शिंदे यांची आज अक्कलकुवा येथे जाहीर सभा होणार आहे. तर सायंकाळी साक्री येथे मुख्यमंत्री एकनाथ शिंदे दुसऱ्या सभेला संबोधित करतील.
17 Nov 2024, 08:11 वाजता
अमित शाह यांच्या आज 3 सभा
आज केंद्रीय गृहमंत्री अमित शहा वर्ध्यात आहेत. त्यांची पहिली सभा गडचिरोली शहरात सकाळी 11 वाजता होणार आहे. दुपारी अडीच वाजता काटोल येथे तर दुपारी तीन वाजता सावनेर येथे अमित शाहांची सभा होईल.
17 Nov 2024, 08:10 वाजता
राजकारणातील कट्टर विरोधक एकाच फ्रेममध्ये; शिवडीमध्ये चाललंय तरी काय?
मनसेचे बाळा नांदगावकर आणि उद्धव ठाकरेंच्या शिवसेनेचे अजय चौधरी तुलसी विवाहाच्या निमित्ताने एकत्र आल्याचं पाहायला मिळालं. शिवडी विधानसभेत मनसेचे बाळा नांदगावकर विरुद्ध ठाकरेंच्या शिवसेनेच्या अजय चौधरी यांच्यात थेट लढत होत आहे. आम्ही एकमेकांचे विरोधक आहोत, शत्रू नाहीत, असं या भेटीसंदर्भात बाळा नांदगावकर यांनी म्हटलं आहे. यावेळी दोन्ही उमेदवारांनी एकमेकांना निवडणुकीसाठी शुभेच्छा दिल्या.
