6 Jun 2024, 09:36 वाजता
पुण्यात EVMचा डेटा 45 दिवस ठेवण्यात येणार
Pune EVM Data : पुण्यातील चारही मतदारसंघातील EVMचा डेटा 45 दिवस ठेवण्यात येणार आहे.. 45 दिवसाच्या आत मतमोजणीवर आक्षेप घेण्यात आल्यास फेर मतमोजणी केली जाईल.. 45 दिवसानंतर मात्र जिल्हा प्रशासनाकडून EVMमधील सर्व डेटा नष्ट केला जाणार आहे.. तोपर्यंत सर्व EVM या कडक पोलीस बंदोबस्तात सुरक्षित ठेवण्यात आल्यात..
बातमीचा व्हिडीओ पाहा-
6 Jun 2024, 08:55 वाजता
देवेंद्र फडणवीस आज दिल्लीला जाणार?
Devendra Fadnavis : देवेंद्र फडणवीस आजच दिल्लीला जाण्याची शक्यताय. पंतप्रधान मोदी आणि गृहमंत्री अमित शाहांची ते आज भेट घेणार असल्याचं सांगण्यात आलंय. या भेटीत उपमुख्यमंत्रिपद सोडण्याच्या निर्णयावर चर्चा होणार का याकडे लक्ष असेल. कालच फडणवीसांनी महाराष्ट्रात भाजपच्या झालेल्या दारूण पराभवाची जबाबदारी स्वीकारली आणि विधानसभेच्या तयारीसाठी सरकारमधून मोकळं करावं, अशी विनंती त्यांनी भाजपच्या केंद्रीय नेतृत्वाला केली होती. दरम्यान उत्तर प्रदेशातील भाजप नेत्यांनाही दिल्लीत बोलावण्यात आलंय. योगी आदित्यनाथ आज संध्याकाळी दिल्लीत दाखल होतील. या बैठकीत महाराष्ट्र आणि उत्तर प्रदेशमधील पराभवाबाबत मंथन केलं जाणारेय.
6 Jun 2024, 08:06 वाजता
नितीश कुमार दिल्ली मुक्कामी
Nitish Kumar : एनडीए सरकारचा शपथविधी होईपर्यंत बिहारचे मुख्यमंत्री नितीशकुमार दिल्लीतच असणारेत. मंत्रिमंडळाची स्थापना झाल्यानंतर ते बिहारमध्ये परततील. आज दिल्लीत त्यांची जेडीयूच्या खासदारांसोबत बैठक होणार असल्याची माहिती सूत्रांनी दिलीय. एनडीएच्या नेत्यांसोबत ते सत्तास्थापनेचा दावा करण्यासाठी राष्ट्रपती भवनातही जाणार असल्याचं समजतंय.
बातमीचा व्हिडीओ पाहा-
6 Jun 2024, 07:55 वाजता
मुंबईत आज काँग्रेसची बैठक
Mumbai Congress Party Meeting : मुंबईत आज काँग्रेसची महत्त्वाची बैठक होणार आहे.. काँग्रेस मुख्यालयात ही बैठक आयोजित करण्यात आलीये. या बैठकीला काँग्रेसचे सर्व 13 नवनिर्वाचित खासदार उपस्थित राहणार आहे.. काँग्रेस प्रदेशाध्यक्ष नाना पटोले या खासदारांशी संवाद साधणार आहेत. दुपारी 12च्या सुमारास ही बैठक होणार असून.. दिल्लीतील इंडिया आघाडीच्या बैठकीनंतर आज नाना पटोले काँग्रेस खासदारांपुढे काय भूमिका मांडणार याकडे सा-यांच लक्ष लागंलय.
बातमीचा व्हिडीओ पाहा-
6 Jun 2024, 07:45 वाजता
अजित पवारांनी बोलावली आमदारांची बैठक
Ajit Pawar : लोकसभा पराभवानंतर अजित पवार अॅक्शन मोडवर आलेत... आज ते मुंबईत दोन बैठका घेणार आहेत.. त्यांच्या देवगिरी निवासस्थानी प्रमुख नेत्यांची बैठक होणार आहे.. या बैठकीला सुनील तटकरे, प्रफुल्ल पटेल, छगन भुजबळ अशा कोअर गटाच्या नेत्यांचा समावेश असेल.. सकाळी 10 वाजता देवगिरी निवासस्थानी ही बैठक होईल.. त्यानंतर संध्याकाळी ते सर्व आमदांची बैठक घेणार आहेत.. या बैठकीत लोकसभा निवडणुकीतील कामगीरीबाबत आढावा घेण्यात येणार आहे... तसंच लोकसभेतील पराभवावर चर्चा केली जाणार आहे.. संध्याकाळी 5 वाजता हॉटेल ट्रायडंटमध्ये ही बैठक आयोजित करण्यात आलीये.