17 Dec 2023, 10:45 वाजता
नागपुरात सोलार एक्सप्लोझिव्ह कंपनीत भीषण स्फोट, 9 जणांचा मृत्यू
Nagpur Blast : नागपूरच्या बाजारगावातील सोलार एक्सप्लोझिव्ह कंपनीमध्ये स्फोट झालाय...या स्फोटात 9 जणांचा मृत्यू झालाय...तर आणखी आकडा वाढण्याची भीती व्यक्त करण्यात आलीय...सकाळी 9 च्या सुमारास कंपनीत स्फोट झालाय...मात्र, या स्फोटाचं कारण अद्याप अस्पष्ट आहे...कंपनीतील कामगारांना बाहेर काढण्याचं काम सध्या सुरू आहे...
बातमीचा व्हिडीओ पाहा-
17 Dec 2023, 10:33 वाजता
'जरांगेंच्या नादी कोण लागणार', छगन भुजबळांची प्रतिक्रिया
Chhagan Bhujbal on Manoj Jarange : जरांगेंच्या नादी कोण लागणार अशी प्रतिक्रिया भुजबळांनी दिलीय...आम्ही ओबीसींच्या आरक्षणावर कुणाला आक्रमण करू देणार नाही...त्यासाठी आमचा लढा आहे...ओबीसीतूनच आरक्षण पाहिजे यासाठी जरांगेंचे लाड सुरू असल्याची टीका भुजबळांनी केलीय...
17 Dec 2023, 10:01 वाजता
'24 डिसेंबरनंतर 1 तासही वाढवणार नाही', मनोज जरांगेंचा राज्य सरकारला इशारा
Manoj Jarange Live | Marathi News LIVE Today : 'मराठा आरक्षणासाठी आता शेवटचा लढा','24 डिसेंबरपर्यंत आरक्षण द्या','24 डिसेंबरनंतर 1 तासही वाढवणार नाही', मनोज जरांगेंचा राज्य सरकारला इशारा. 'लढूनच मराठा आरक्षण मिळवणार','54 लाख कुणबी नोंदी सापडल्या','सरकारनं चांगलं काम केलं तर चांगलंच म्हणार', मनोज जरांगेंचं वक्तव्य.
17 Dec 2023, 09:44 वाजता
मध्य रेल्वे, पश्चिम रेल्वेवर आज मेगाब्लॉक
Mumbai Railway Megablock : मध्य रेल्वेच्या पनवेल आणि हार्बर मार्गावरील प्रवाशांना आज दिलासा मिळणारे...या दोन्ही मार्गांवर आज मेगाब्लॉक घेण्यात येणार नसल्याचं मध्य रेल्वेनं सांगितलंय...तर, ठाणे ते कल्याण अप आणि डाऊन मार्गावर सकाळी 11 ते दुपारी 3 वाजेपर्यंत मेगाब्लॉक घेण्यात येणारे...छत्रपती शिवाजी महाराज टर्मिनस ते ठाणे आणि कल्याण या मार्गावर जलद आणि नीम जलद लोकल डाऊन धिम्या मार्गावर वळवण्यात आल्या आहेत...कल्याण ते ठाणे अप जलद आणि नीम जलद गाड्या धीम्या मार्गावर वळविण्यात आल्या आहेत..
बातमीचा व्हिडीओ पाहा-
17 Dec 2023, 09:12 वाजता
संसद घुसखोरीच्या घटनेची पंतप्रधान मोदींकडून दखल
PM Narendra Modi : संसद घुसखोरीच्या घटनेची पंतप्रधान नरेंद्र मोदींकडून दखल. संसदेत झालेली घुसखोरीची घटना चिंताजनक. घुसखोरी प्रकरणाची सखोल चौकशी व्हायला हवी. एका वर्तमान पत्राला दिलेल्या मुलाखतीत ही प्रतिक्रिया दिली.
17 Dec 2023, 08:40 वाजता
मध्य रेल्वेची वाहतूक विस्कळीत
Central Railway Traffic Disrupted : मध्य रेल्वेची वाहतूक विस्कळीत झालीये. ओव्हरहेड वायर तुटल्यानं कर्जत-खोपोली स्थानकादरम्यान वाहतूक विस्कळीत झाली आहे. ओव्हरहेड वायर दुरुस्तीचे काम सुरू.
बातमीचा व्हिडीओ पाहा-
17 Dec 2023, 08:03 वाजता
कमलनाथ यांचा काँग्रेस प्रदेशाध्यक्षपदाचा राजीनामा
Kamalnath : विधानसभा निवडणुकीत मध्य प्रदेशमध्ये काँग्रेसचा पराभव झाल्यानंतर काँग्रेसमध्ये मोठे फेरबदल झालेत... निवडणुकीतील पराभवाची जबाबदारी घेत कमलनाथ यांनी प्रदेशाध्यक्षपदाचा राजीनामा दिलाय... काँग्रेसनं जितू पटवारी यांची प्रदेशाध्यक्षपदी नियुक्ती केलीये.. तर, उमंद सिंगार यांना विरोधी पक्षनेते केलंय..
17 Dec 2023, 07:30 वाजता
भारतात कोरोनाचा नवा व्हेरिएंट सापडला
COVID-19 Update : जागतिक आरोग्य संघटनेनं भारताला कोरोनाच्या नव्या व्हेरिएंटसंबंधी इशारा दिलाय. कोरोनाचा नवा व्हेरिएंट JN1पासून सावधगिरी बाळगण्याचा इशारा WHOनं दिलाय..धक्कादायक म्हणजे केरळच्या त्रिवेंद्रममध्ये JN1 हा नवा व्हेरिएंट सापडलाय.. त्यामुळे सर्व राज्यांना अलर्ट देण्यात आलाय...
बातमीचा व्हिडीओ पाहा-
17 Dec 2023, 07:26 वाजता
जालन्यात आज मराठा समाजाची बैठक
Jalna Maratha Reservation : जालन्यातील अंतरवाली सराटीमध्ये आज सकल मराठा समाजाची राज्यस्तरीय बैठक होतेय...मनोज जरांगे पाटलांच्या नेतृत्वात ही बैठक होणारे...राज्यातील साखळी आणि बेमुदत उपोषण कर्ते तसंच मराठा आंदोलक आणि इतरही या बैठकीला उपस्थित राहणारेत..अंतरवाली सराटीमध्ये ज्या ठिकाणी सभा झाली होती त्याच ठीकाणी आज ही बैठक होतेय...सकाळी 9 वाजता बैठकीला सुरुवात होईल...24 डिसेंबर पर्यंत आरक्षण दिलं नाही तर काय याबद्दल या बैठकीमध्ये चर्चा होणार आहे...आंदोलनाची पुढील दिशा काय असेल ते सुद्धा या बैठकीत ठरणारे...दरम्यान काल राज्य सरकारचं शिष्टमंडळ गिरीष महाजन आणि संदिपान भुमरे यांनी जरांगेंशी चर्चा केली...मात्र जरांगे हे डेडलाईनवर ठाम आहेत...
बातमीचा व्हिडीओ पाहा-
