9 Nov 2024, 13:43 वाजता
राष्ट्रवादीकडून बंडखोर बापू भेगडेंचं निलबंन
Bapu Bhegade : मावळ मतदारसंघातील बंडखोर अपक्ष उमेदवार बापू भेगडे यांचं राष्ट्रवादीतून निलंबन करण्यात आलंय. राष्ट्रवादीचे प्रदेशाध्यक्ष सुनील तटकरे यांनी भेगडेंविरोधात कारवाई केलीय. पक्षातून उमेदवारी नाकारल्यानं बापू भेगडेंनी बंडखोरी करत अपक्ष उमेदवार म्हणून रिंगणात उतरलेत. दरम्यान ज्यांनी बडतर्फ केलं त्यांनी याआधीच याचा विचार करायला पाहिजे होता, अशी प्रतिक्रिया भेगडेंनी दिलीय.
बातमीचा व्हिडीओ पाहा-
9 Nov 2024, 13:16 वाजता
...काट्यानं काटा काढण्याचा हा प्रकार-अजित पवार
Ajit Pawar : लोकसभेत पत्नी सुनेत्राला सुप्रिया सुळेंविरोधात उभं केलं. त्यामुळे त्यांनी आता विधानसभेला पुतण्याला माझ्या विरोधात उभं केलं. म्हणजे काट्याने काटा काढण्याचा हा प्रकार असू शकतो, असं वक्तव्य अजित पवारांनी केलंय. झी 24 तासला दिलेल्या टू द पॉईंट मुलाखतीत अजित पवारांनी हे वक्तव्य केलंय.
बातमीचा व्हिडीओ पाहा-
9 Nov 2024, 12:32 वाजता
राज ठाकरे फडणवीसांचं स्क्रिप्ट बोलतात- संजय राऊत
Sanjay Raut on Raj Thackeray : भांडूपच्या सभेत राज ठाकरेंनी केलेल्या आरोपांना संजय राऊतांनी आज उत्तर दिलंय... राज ठाकरे देवेंद्र फडणवीसांची स्क्रीप्ट बोल आहेत असा टोला राऊतांनी लगावलाय..
9 Nov 2024, 12:18 वाजता
'भाजप महाराष्ट्रात खोटा प्रचार करतेय', डी. के. शिवकुमारांचा आरोप
D. K. Shivakumar on BJP : 'कर्नाटक-तेलंगणातील योजना बंद झाल्याचा खोटा प्रचार' 'भाजप महाराष्ट्रात खोटा प्रचार करतेय'...डी. के. शिवकुमार यांचा भाजपवर आरोप...भाजप नेत्यांना कर्नाटक फिरवून आणण्याची ऑफर
9 Nov 2024, 11:31 वाजता
फडणवीसांची जागा धोक्यात, म्हणून शाह म्हणालेत- अजित पवार
Ajit Pawar : देवेंद्र फडणवीस महायुतीचे मुख्यमंत्री असतील, असे संकेत नाशिकच्या सभेत काल केंद्रीय गृहमंत्री अमित शाहांनी दिले होते. यावरून राजकीय वातावरण तापलंय. देवेंद्र फडणवीसांसह सर्वांनाच मुख्यमंत्री बनण्याची संधी आहे, अशी प्रतिक्रिया अजित झी 24 तासच्या टू द पॉईंटमध्ये व्यक्त केलीय. महायुतीचं सरकार बनवायचंय. त्यासाठी देवेंद्र फडणवीसांना विजयी करायचंय, असं विधान शाहांनी केलं होत. यावर अजित पवारांनी प्रतिक्रिया दिलीय. कदाचित फडणवीसांची जागा धोक्यात आहेत. नाशिकच्या सभेतून फडणवीसांना विजयी करा, असं आवाहन अमित शाहांना करायचं असेल, अशी प्रतिक्रिया अजित पवारांनी दिलीय.
बातमीचा व्हिडीओ पाहा-
9 Nov 2024, 11:01 वाजता
'सुप्रिया सुळेंचं वक्तव्य म्हणजे नौटंकी', अजित पवारांची टीका
Ajit Pawar on Supriya Sule : सिंचनाच्या प्रकरणावरुन RR पाटलांच्या कुटुंबाची माफी मागीतली.. हे सुप्रिया सुळेंचं वक्तव्य म्हणजे नौटंकी असल्याची टीका अजित पवारांनी केलीये.. झी २४तासच्या टू द पॉईंटमध्ये ते बोलत होते.. काय म्हणालेत अजित पवार पाहूयात..
9 Nov 2024, 10:25 वाजता
राज ठाकरेंची आज यवतमाळ आणि पुण्यामध्ये सभा
Raj Thackeray : राज ठाकरे यांची आज यवतमाळच्या उमरखेड आणि पुण्यात तोफ धडाडणारेय. उमरखेडचे उमेदवार राजेंद्र नजरधनेंच्या प्रचारार्थ ही सभा होणारे. सकाळी 11 वाजता ही सभा होणारे. तर त्यानंतर ते पुण्यात 2 सभा घेणार आहेत. कसबा पेठचे उमेदवार गणेश भोकरे आणि कुथरूडचे उमेदवार किशोर शिंदेंसाठी ते प्रचार करणार आहेत. राज ठाकरे काय बोलतील, याकडं सर्वांचं लक्ष लागून आहे.
बातमीचा व्हिडीओ पाहा-
9 Nov 2024, 09:34 वाजता
यंदा उसासोबत साखर उत्पादनात घट?
Maharashtra Sugar Production To Reduce : राज्यातील साखर कारखान्याचा गळीत हंगाम 15 नोव्हेंबर पासून सुरू होणार आहे. यंदाच्या हंगामात ऊस उत्पादनाबरोबरच साखर उत्पादन घटण्याची शक्यता वर्तवली जात आहे. चालू गळीत हंगाम 15 नोव्हेंबर पासून सुरु होणार असला तरी राज्यात विधानसभेचे धामधूम सुरू असल्याने प्रत्यक्षात गळीत हंगाम सुरू होण्याला डिसेंबर उजेडेल अशी शक्यता आहे. हंगाम लांबला तर ऊस उत्पादनासह साखर कारखान्याचा उतारा देखील घटण्याची भीती व्यक्त केली जात आहे.
बातमीचा व्हिडीओ पाहा-
9 Nov 2024, 09:02 वाजता
उद्या अमित शाह यांची मुंबईत पत्रकार परिषद
Amit Shah : केंद्रीय गृहमंत्री अमित शाह उद्या मुंबईत...अमित शहा यांची उद्या मुंबईत होणार पत्रकार परिषद...भाजपचा विधानसभेचा जाहीरनामा शहांच्या हस्ते प्रकाशित होण्याची शक्य
9 Nov 2024, 08:37 वाजता
सुभाष वानखेडेंची शिवसेना UBTमधून हकालपट्टी
Subhash Wankhede : सुभाष वानखेडेंची शिवसेना UBTमधून हकालपट्टी...सुभाष वानखेडे हिंगोलीचे माजी खासदार...पक्षविरोधी कारवायांमध्ये सहभागी असल्याचा आरोप
