1 Oct 2024, 22:30 वाजता
'सोन्याचा चमचा घेऊन आलेल्यांनीच सीएम व्हायचं?', मुख्यमंत्र्यांचा उद्धव ठाकरेंना टोला
CM Eknath Shinde : सोन्याचा चमचा घेऊन जन्माला आलेल्या आणि पैशाच्या राशीत लोळणा-यांनीचं मुख्यमंत्री व्हायचं का? शेतकरी कुटुंबातल्या मुलानं मुख्यमंत्री होऊ नये असा कायदा आणि नियम आहे का? असा टोला मुख्यमंत्री एकनाथ शिंदे यांनी उद्धव ठाकरेंना अप्रत्यक्ष लगावला. सांगलीच्या विटामध्ये आयोजित शेतकरी मेळाव्यात ते बोलत होते.
बातमीचा व्हिडीओ पाहा-
1 Oct 2024, 21:07 वाजता
सिडको घरधारकांना मोठा दिलासा
Cidco Home : सिडकोच्या घरधारकांना राज्य सरकारने सर्वात मोठा दिलासा दिला आहे... यापुढे सिडकोचं घर विकायचं असेल तर सिडकोची परवानगी लागणार नाही.. घरं आणि सोसायटी लीजऐवजी फ्री होल्ड करण्याचा निर्णय सरकारने घेतला आहे.. येणा-या कॅबिनेटमध्ये मंजुरीसाठी हा निर्णय ठेवला जाणार असल्याची घोषणा सिडकोचे अध्यक्ष संजय शिरसाट यांनी केलीय.. सिडकोची घरे आता राहणाऱ्या लोकांची होणार आहेत.. नवी मुंबई, छत्रपती संभाजी नगर, नाशिक आणि नागपूरमध्ये सिडकोच्या घरात राहणा-यांना याचा फायदा होणार आहे.. सिडकोने राज्यात विविध उत्पन्न गटातल्या नागरिकांसाठी मोठ्या प्रमाणावर घरे बांधली. तर काही ठिकाणी प्लॉटच्या माध्यमातून जागांची विक्री केली. मात्र सिडकोची मालमत्ता फ्री होल्ड करावी अशी मागणी कित्येक वर्षांपासून केली जात होती. कारण या घरांवर मालकी हक्क सिडकोचा राहत होता. सिडकोच्या परवानगीशिवाय घरं विकता येत नव्हतं. आता मात्र सिडकोचं घर विकायचं असेल तर सिडकोची परवानगी लागणार नाही..
बातमीचा व्हिडीओ पाहा-
1 Oct 2024, 20:20 वाजता
'महाराष्ट्रात BJP महायुतीचे सरकार स्थापन करेल', मुंबई मेळाव्यात शाहांचा निर्धार
Amit Shah : मी शब्द देतो महाराष्ट्र भाजप महायुतीचे सरकार स्थापन करेन असा निर्धार मुंबईतील मेळाव्यात अमित शाहांनी कार्यकर्त्यांसमोर व्यक्त केला. महाराष्ट्राची निवडणूक देशाची दशा आणि दिशा बदलणारी आहे. निराशेला गाडून कामाला लागा अशा सूचना मुंबईत अमित शाहांनी भाजप कार्यक-यांना दिलंय...
बातमीचा व्हिडीओ पाहा-
1 Oct 2024, 19:54 वाजता
मध्य रेल्वेची वाहतूक विस्कळीत
Central Railway Traffic Disrupted : मध्य रेल्वेची वाहतूक विस्कळीत... ठाकुर्ली स्टेशनजवळ ओव्हरहेड वायरमधे बिघाड....कल्याणला येणाऱ्या स्लो लोकल मार्गावरील वाहतूक विस्कळीत
1 Oct 2024, 19:09 वाजता
शिवनेरी बसमध्ये 'शिवनेरी सुंदरी' नेमणार
Shivneri Bus : विमानातील एअर होस्टेसच्या धर्तीवर आता ST महामंडळ शिवनेरी सुंदरी सेवा राबवणार आहे. STच्या ई-शिवनेरी बसमध्ये शिवनेरी सुंदरी सेवा पुरवली जाणार आहे. मुंबई-पुणे मार्गावर धावणा-या STच्या ई-शिवनेरी बसमध्ये प्रवाशांना मदत करण्यासाठी, आदरातिथ्याची सेवा देणारी शिवनेरी सुंदरी नेमण्यात येणार आहेत. यासाठी प्रवाशांच्या तिकिटावर कोणताही अधिभार न लावता प्रवाशांना चांगल्या सेवासुविधा देण्याकरता शिवनेरी सुंदरी नियुक्त केल्या जाणारेत. ST महामंडळाचे अध्यक्ष भरत गोगावले यांनी या योजनेला मंजुरी दिली. तर स्त्रीयांचा सन्मान असा करतात का, असा सवाल शरद पवार पक्षाचे आमदार जितेंद्र आव्हाड यांनी यावर केलाय. रस्त्यांची दुरवस्था असताना शिवनेरी सुंदरी हातात ट्रे घेऊन फिरणार तरी कश्या, असा प्रश्न आव्हाडांनी केला.
1 Oct 2024, 18:41 वाजता
बदलापूर नगरपालिकेत मराठा समाजाचा राडा
Badlapur Nagarpalika Rada : बदलापूर नगरपालिकेत मराठा समाजाचा मोठा राडा झाला. शहरात उल्हास नदीवर छत्रपती शिवाजी महाराजांच्या पुतळा उभारणीत भ्रष्टाचार होत असल्याचा आरोप करण्यात आलाय. अविनाश देशमुख यांनी बांधकाम विभागाच्या दरवाज्याला नोटांचं तोरण लावण्याचाही प्रयत्न केला.. या वेळी सुरक्षा रक्षक आणि अविनाश देशमुख यांच्यात झटापट झाली.. त्यामुळे पालिकेत तणावाचं वातावरण निर्माण झालं होतं..
बातमीचा व्हिडीओ पाहा-
1 Oct 2024, 18:11 वाजता
डॉ. शैलैश मोहितेंची नायर रुग्णालयाच्या डीनपदावर नियुक्ती
Dr. Shailesh Mohite : डॉक्टर शैलैश मोहिते यांची नायर रूग्णालयाच्या डिन पदावर नियुक्ती...नायर रूग्णालयाचे वादग्रस्त डिन सुनिल मेढेकर यांच्या जागी शैलेश मोहिते यांची नियुक्ती...शैलेश मोहिते हे सध्या कूपर रूग्णालयाचे डिन म्हणून कामकाज पाहत होते... मुख्यमंत्र्यांच्या आदेशानंतर मुंबई महापालिका आयुक्तांची कार्यवाही...नायरच्या सुनील मेढेकर यांची कूपर रूग्णालयाच्या डिन पदावर बदली
बातमीचा व्हिडीओ पाहा-
1 Oct 2024, 17:51 वाजता
अजित पवार गटाचे समीर भुजबळ बंडाच्या तयारीत?
Sameer Bhujbal : राष्ट्रवादी अजित पवार गटाचे मुंबई अध्यक्ष समीर भुजबळ बंडखोरीच्या तयारीत ? - सूत्रांची माहिती...नाशिकच्या नांदगाव विधानसभा मतदारसंघातून निवडणूक लढवणार ? - सूत्र...नांदगावमध्ये शिंदे गटाचे सुहास कांदे हे आमदार आहेत, त्यामुळं महायुतीतून त्यांनाच तिकीट मिळणार असल्यानं समीर भुजबळ बंडखोरी करण्याची शक्यता...अपक्ष किंवा तुतारी हाती घेण्याची शक्यता...नांदगावमध्ये मागील वेळी सुहास कांदेंनी पंकज भुजबळांचा केला होता पराभव. परंतु यंदा पंकज भुजबळांऐवजी समीर भुजबळ तेथून लढण्याच्या तयारीत
बातमीचा व्हिडीओ पाहा-
1 Oct 2024, 17:38 वाजता
'शेतकऱ्यांना शून्य रुपये वीजबील येणार', अजित पवारांची माहिती
Ajit Pawar : येत्या आठ दहा दिवसांत शेतक-यांना शुन्य रुपये वीजबिल येणार तर बहिणींच्या खात्यात ऑक्टोबर आणि नोव्हेंबर महिन्याचे पैसेही पाठवणार आहे.. अशी ग्वाही जनसन्मान यात्रेत अजित पवारांनी दिलीये.. बहिणींना दिवाळीची ओवाळणी देणार म्हणजे देणार, हा अजित पवार शब्दाचा पक्का असल्याचंही त्यांनी यावेळी म्हटलंय..
1 Oct 2024, 16:39 वाजता
'मराठा आरक्षण दिलं नाहीतर तुमचा खेळ खल्लास',मनोज जरांगेंचा इशारा
Manoj Jarange : मराठा आरक्षण दिलं नाहीतर तुमचा खेळ खल्लास, अशा थेट इशारा जरांगेंनी राज्य सरकारला दिलाय. एवढ्या मोठ्या समुदायाला बाजूला सारून त्यांना पायावर दगड पाडून घ्यायचा असेल तर ही त्यांची मोठी चूक आहे, अशी प्रतिक्रिया जरांगेंनी दिलीय. संभाजीनगरमध्ये पत्रकार परिषद घेऊन त्यांनी हे वक्तव्य केलं.
बातमीचा व्हिडीओ पाहा-
