Maharashtra Breaking News LIVE : सिनेटच्या पाचही जागा युवासेनेने जिंकल्या- वरुण सरदेसाई

27 Sep 2024, 15:12 वाजता

लाडकी बहीण किती रागात यावरुन दिसतं - वडेट्टीवार

Vijay Wadettiwar : लाडकी बहीण किती रागात आहे हे यावरून दिसत असल्याचं विरोधी पक्षनेते विजय वडेट्टीवार म्हणालेत...त्याचबरोबर आज पाटी काढलीये उद्या हीच पाटी लाडकी बहीण डोक्यात घालेलं अशी टीकाही वडेट्टीवारांनी केलीये...उपमुख्यमंत्री देवेंद्र फडणविसांच्या कार्यालयाबाहेर करण्यात आलेल्या तोडफोडीप्रकरणी वडेट्टीवारांनी ही प्रतिक्रिया दिलीये...

27 Sep 2024, 15:09 वाजता

घटनेमागचं कारण समजून घेतलं पाहिजे - फडणवीस

Devedra Fadanvis : एखादी बहीण चिडली असेल किंवा कुणी पाठवलं असेल तर ते समजून घेऊ...त्याचबरोबर घटनेची चौकशी करणार असल्याचं उपमुख्यमंत्री देवेंद्र फडणवीस म्हणालेत...तर विरोधकांवरही त्यांनी निशाणा साधलाय..

27 Sep 2024, 13:43 वाजता

मंत्रालयात फडणवीसांच्या कार्यालयाबाहेर तोडफोड

Mantralay : उपमुख्यमंत्री देवेंद्र फडणवीसांच्या मंत्रालयातील कार्यालयाबाहेर महिलेनं तोडफोड केल्याची घटना समोर आलीय. अज्ञात महिलेनं ही तडोफोड केलीय. तोडफोडीनंतर या महिलेनं घोषणाबाजीही केली. महिलेनं मंत्रालयाचा पास न काढता सचिव गेटनं मंत्रालयात प्रवेश केला होता. या घटनेची पोलीस आयुक्तांनी गंभीर दखल घेतलीय. दरम्यान, यावर उपमुख्यमंत्री कार्यालयाकडून खुलासा आलाय. ही घटना काल संध्याकाळी पावणेसातच्या सुमारास घडलीय आणि यावेळी महिला पोलीस उपस्थित नसल्यानं महिलेला पकडू शकलो नाही, असा खुलासा उपमुख्यमंत्री कार्यालयाकडून करण्यात आलाय. याप्रकरणी कालच तक्रार दाखल करण्यात आलीय. सध्या महिलेची ओळख पटविण्याचं काम सुरू आहे.

बातमी पाहा - उपमुख्यमंत्री देवेंद्र फडणवीसांच्या मंत्रालयातील कार्यालयाची अज्ञात महिलेकडून तोडफोड

27 Sep 2024, 13:22 वाजता

अल्पवयीन मुलीवर लैंगिक अत्याचार, 4 नराधमांवर गुन्हा दाखल

Pune Crime : पुण्याच्या एका महाविद्यालयातील अल्पवयीन मुलीवर चौघांनी लैंगिक अत्याचार केल्याची धक्कादायक घटना उघडकीस आलीय... गुड टच, बॅड टच याबाबत जनजागृती दरम्यान, पोलिसांच्या समुपदेशन यामुळे हा प्रकार उघडकीस आलाय... याप्रकरणी कोरेगाव पार्क पोलिस ठाण्यात पॉक्सो कायद्यांतर्गत चौघांविरुद्ध गुन्हा दाखल करण्यात आलाय... पोलिसांनी 2 आरोपींना अटक केलीय...

बातमीचा व्हिडीओ पाहा - 

27 Sep 2024, 13:19 वाजता

मनोज जरांगेंचा बोलवता धनी वेगळा - नरेंद्र पाटील

Narendra Patil On Manoj Jarange : भाजप सत्तेवर असतानाच मराठा समाजाला न्याय मिळालाय,तरीही जरांगे फडणवीसांवर टीका करत असतील तर त्यांचा बोलवता धनी वेगळा आहे,अशी टीका अण्णासाहेब आर्थिक विकास महामंडळाचे अध्यक्ष नरेंद्र पाटील यांनी केलीय. 

बातमीचा व्हिडीओ पाहा - 

27 Sep 2024, 13:16 वाजता

अक्षय शिंदेच्या वडिलांचं शाह, फडणवीसांना पत्र

Akshay Shinde : अक्षय शिंदेच्या वडिलांची संरक्षणाची मागणी केलीय. केंद्रीय गृहमंत्री अमित शाह आणि देवेंद्र फडणवीसांना पत्र पाठवून अक्षयच्या वडिलांनी ही मागणी केलीय. संपूर्ण कुटुंबीय आणि वकिलाला धमक्या मिळत आहेत. त्यामुळे पोलीस संरक्षण द्यावं, अशी मागणी अक्षय शिंदेंच्या वडिलांनी केलीय. अक्षय शिंदेचा  खून राजकीय फायद्यासाठी करण्यात आल्याचा आरोपही त्यांनी या पत्रातून केलाय.

बातमीचा व्हिडीओ पाहा - 

27 Sep 2024, 13:01 वाजता

फडणवीसांनी औरंगजेबावर चित्रपट काढावा - संजय राऊत

Sanjay Raut On Devendra Fadanvis : धर्मवीर चित्रपटावरून खासदार संजय राऊतांनी देवेंद्र फडणवीसांचा समाचार घेतलाय.फडणवीसांना धर्मवीर काय माहीत आहेत? धर्मवीरांवर चित्रपट काढण्याऐवजी त्यांनी राज्य लुटण्यासाठी येणा-या नव्या औरंगजेबवर चित्रपट काढावा, असा खोचक टोला राऊतांनी फडणवीसांना लगावलाय. धर्मवीर तीनची पटकथा लिहाणार असल्याचं फडणवीसांनी म्हटलं होतं. यावर राऊतांनी टीका केलीय.

बातमीचा व्हिडीओ पाहा - 

27 Sep 2024, 12:16 वाजता

अमित ठाकरे भांडुपमधून निवडणूक लढणार?

Amit Thacekray : अमित ठाकरे विधानसभेच्या मैदानात उतरणार असल्याची माहिती मिळतेय.. अमित ठाकरे भांडुप विधानसभेतून निवडणुकीच्या रिंगणात उतरण्याची शक्यता आहे.. तशी आग्रही मागणी कार्यकर्त्यांकडून राज ठाकरेंकडे केल्याची माहिती झी 24 तासला सूत्रांनी दिलीय. . मात्र यावर अंतिम निर्णय राज ठाकरे घेणार आहेत.. भांडुप विधानसभा मतदारसंघ अमित ठाकरे यांच्यासाठी सर्वांत सुरक्षित असल्याचा अहवाल  मनसे नेत्यांनी राज ठाकरेंकडे दिल्याचं कळतंय.. भांडुपसह मागाठाणे, माहीम मतदार संघातही चाचपणी सुरू असल्याची माहिती आहे.. 

27 Sep 2024, 12:07 वाजता

हर्षवर्धन पाटील तुतारी हाती घेणार नाही - सुधीर मुनगंटीवार

Sudhir Mungantiwar On Harshwardhan Patil : हर्षवर्धन पाटील तुतारी हाती घेणार नाहीत, त्यांच्याशी बोलणं झालंय, असा दावा भाजप नेते सुधीर मुनगंटीवारांनी व्यक्त केलाय. पाटील भाजपचे आहेत आणि भाजपमध्येच राहणार असा दावाही त्यांनी केलाय. त्यांच्याशी पुन्हा फोनवर बोलणार असल्याचं मुनगंटीवार म्हणाले.

बातमीचा व्हिडीओ पाहा - 

27 Sep 2024, 12:03 वाजता

अमित शाहांचे महाराष्ट्रावर हल्ले - संजय राऊत

Sanjay Raut : अमित शाहांच्या महाराष्ट्र दौ-यावर खासदार संजय राऊतांनी हल्लाबोल केला. शाहांनी तंबू ठोकला तरीही राज्यात भाजप विजयी होणार नाही, अशा शब्दांत राऊतांनी शाहांवर निशाणा साधलाय. ते महाराष्ट्रावर सतत हल्ले करतायेत, असा आरोपही राऊतांनी केलाय. 

बातमीचा व्हिडीओ पाहा -