Maharashtra Vidhan Sabha Nivadnuk 2024 Live Updates: महाराष्ट्रात आज विधानसभा निवडणुकीसाठी मतदान होत आहेत. राज्यात एकूण 288 मतदारसंघ आहेत. आज सकाळी 7 वाजल्यापासून मतदानाला सुरुवात होत आहे. आज राज्यातील सर्व घडामोडींचा धावता आढावा घेऊया.
20 Nov 2024, 07:51 वाजता
Maharashtra Vidhan Sabha Election 2024 LIVE: समीर भुजबळांनी केलं मतदान
नांदगाव मतदार संघाचे अपक्ष उमेदवार माजी खासदार समीर भुजबळ यांनी कुटुंबीयासह केले मतदान
20 Nov 2024, 07:48 वाजता
Maharashtra Vidhan Sabha Election 2024 LIVE: स्वराज्य पक्षाच्या उमेदवारावर प्राणघातक हल्ला
स्वराज्य पक्षाचे जळगाव-जामोदचे उमेदवार प्रशांत डिक्कर हे आपल्या सहकाऱ्यासमवेत आज पहाटेच्या वेळी मतदानाच्या निमित्ताने बूथ पाहणी करीता शेगाव कडे येण्यास निघाले होते. यावेळी दुचाकीवरून आलेल्या पाच ते सात गुंडांनी त्यांची गाडी अडवली व गाडीवर तुफान दगडफेक केली. या हल्ल्यात प्रशांत डिक्कर व त्यांचे सहकारी चालक गंभीर जखमी झाले असून त्यांना उपचारासाठी अकोला येथे रेफर करण्यात आले आहे. दरम्यान प्रस्थापितांना या उमेदवाराची भीती वाटत असल्याने हा हल्ला झालं असल्याची प्रतिक्रिया स्वराज्य पक्षाचे अध्यक्ष छत्रपती संभाजीराजे यांनी दिली आहे.
20 Nov 2024, 07:47 वाजता
Maharashtra Vidhan Sabha Election 2024 LIVE: शिंदेसेनेच्या उमेदवाराच्या गाडीवर मध्यरात्री गोळीबार
शिवसेना शिंदे गटाच्या उमेदवाराच्या गाडीवर गोळीबार करण्यात आल्याची घटना घडली आहे. अहिल्यानगर जिल्ह्यातील श्रीरामपूर येथील घटना आहे. मतदारांच्या भेटीगाठी घेऊन परतत असतांना दुचाकीवरून आलेल्या ५ हल्लेखोरांनी झाडल्या गोळ्या. शिवसेनेचे उमेदवार भाऊसाहेब कांबळे यांच्यावर गोळीबार. रात्री दीड वाजेच्या सुमारास घडला प्रकार
20 Nov 2024, 07:43 वाजता
Maharashtra Vidhan Sabha Election 2024 LIVE: बारामतीः युगेंद्र पवार यांचे आई शर्मिला पवार यांनी केले औक्षण
बारामती मतदारसंघाचे उमेदवार युगेंद्र पवार मतदान केंद्रावर पोहोचण्याआधी त्यांच्या आई शर्मिला पवार यांनी त्यांचे औक्षण केले.
20 Nov 2024, 07:41 वाजता
Maharashtra Vidhan Sabha Election 2024 LIVE: माझा विजय नीच्छित, विजयाचा गुलाल मी उधळणारः यामिनी जाधव
भायखळा मतदारसंघात सेना विरुद्ध सेना अशी लढत होत आहे. शिंदे गटाकडून यामिनी जाधव विरुद्ध ठाकरे गटाचे मनोज जामसुतकर असा सामना रंगला आहे. शिंदे गटाच्या उमेदवार यामिनी जाधव मतदान केंद्रावर जावून मतदानाचा हक्क बजावला आहे. माझ्या तब्येतीला घेऊन माझ्यावर टीका करण्यात आली. लोकसभेत माझा पराभव झाला नाही तर मी मागे राहिले होते.अवघे काही दिवस मला प्रचारासाठी मिळाले होते. इतरांनी माझ्या एवढी मते घेऊन दाखवावी, असं यामिनी जाधव यांनी म्हटलं आहे.
20 Nov 2024, 07:16 वाजता
Maharashtra Vidhan Sabha Election 2024 LIVE: नाशिकच्या देवळाली विधानसभा मतदार संघातील मतदान केंद्रात बिघाड
नाशिकच्या देवळाली विधानसभा मतदार संघातील मतदान केंद्रात बिघाड झाला आहे. तब्बल 20 मिनिटे मतदानासाठी उशीर होत आहे. देवळाली विधानसभा मतदारसंघातील मतदान केंद्र 164 मधील प्रकार. बॅलेट युनिट मधील मतदान यंत्रात बिघाड झाला आहे.
20 Nov 2024, 07:14 वाजता
Maharashtra Vidhan Sabha Election 2024 LIVE: माढा मतदारसंघातील लढत अटीतटीची
माढा विधानसभा मतदारसंघात तीन लाख 52 हजार 691 मतदार आज मतदानाचा हक्क बजावणार असून 14 उमेदवार रिंगणात आहेत. प्रमुख लढत ही राष्ट्रवादी काँग्रेस शरद पवार पक्षाचे अभिजीत पाटील आणि अपक्ष उमेदवार रणजीत शिंदे या दोघांमध्ये आहे. बबनराव शिंदे यांच्या तीस वर्षांच्या सत्तेला अभिजित पाटील यांनी आव्हान दिलेला आहे आता मतदार कोणाला कौल देतात हे पाहावे लागेल.
20 Nov 2024, 07:11 वाजता
Maharashtra Vidhan Sabha Election 2024 LIVE: मतदानाच्या आदल्या रात्री चंद्रपुरातील एका घरातून 12 लाखांची रोकड जप्त
चंद्रपूर जिल्ह्यातील राजुरा विधानसभा क्षेत्रातल्या गडचांदूर शहरात सुमारे 12 लाखांची रक्कम जप्त करण्यात आली आहे. विशिष्ट तक्रारीनंतर एका घरावर धाड घालून रकमेची जप्ती करण्यात आली. निवडणूक आयोगाच्या भरारी पथकाने रात्री उशिरा एका बंद घरातून ही कारवाई केली. राजुरा विधानसभा क्षेत्रात काँग्रेस- शेतकरी संघटना आणि भाजप उमेदवारांमध्ये कडवी लढत आहे. निवडणूक यंत्रणा आणि आयकर विभागाची चमू प्रकरणाचा अधिक तपास करत आहे
20 Nov 2024, 07:07 वाजता
Maharashtra Vidhan Sabha Election 2024 LIVE: उपमुख्यमंत्री अजित पवार यांनी पत्नीसह बजावला मतदानाचा हक्क
अजित पवार यांनी बारामतीत मतदानाचा हक्क बजावला आहे. तर, पवारांच्या आईंनी 17 नोव्हेंबर रोजी मतदान केले होते. तब्येतीच्या कारणास्तव त्यांनी घरुनच मतदान केलं होतं.
20 Nov 2024, 07:01 वाजता
Maharashtra Vidhan Sabha Election 2024 LIVE: मतदानाला सुरुवात; मोहन भागवतांनी बजावला हक्क
नागपूरात सरसंघचालक मोहन भागवत यांनी मतदानाचा हक्क बजावला आहे,
