कल्याणमधील वाहतूक पोलिसाचा पैसे घेतानाचा व्हिडीओ समोर

Kalyan traffic police News : कल्याणमधील वाहतूक पोलिसांचा एक धक्कादायक व्हिडिओ समोर आला आहे. एक वाहतूक पोलीस चक्क एका रिक्षा चालकाकडे पैशाची मागणी करतोय कोळसेवाडीचे वाहतूक पोलीस चौकीचे निरीक्षक नवनाथ मिरवणे असे या पोलीस अधिकाऱ्याचे नाव आहे. 

कल्याण पूर्व चक्की नाका परिसरात एका रिक्षा चालकाकडून वाहतूक नियमांचा उल्लंघन झाल्यानंतर त्याच्याकडून रीतसर कायदेशीर पावती फाडण्याऐवजी मिरवणे हे रिक्षाच्या चालकाकडे पैशाची मागणी करत होता. हा रिक्षा चालक शंभर रुपये देत असताना आणखी शंभर रुपये वाढवून देण्याची मागणी वाहतूक पोलीस मिरवणे करत होते.

मोबाईलमध्ये हा व्हिडिओ शूट करण्यात आला असुन तो सोशल मीडियावर व्हायरल होत आहे.आता या प्रकरणी वाहतूक पोलिसावर काय कारवाई केली जाते हे पाहावे लागेल.